Popular Bible Verses from Matiu 5

Share

Nʋʋkala bɩ jaŋ nyɩgɛ chaanɩŋ ʋ dɩa lɛ a kɛŋ gbaŋa chu tɔ, koo a joŋo hɛ godo bʋbʋɔŋ. Ʋ yie joŋo daŋ chaaŋ daaŋ nyuŋ nɛ, dɩ nʋʋkala sɩ hɛ dɩa-la lɛ wuo nɩna pʋlʋmʋŋ. Ŋɩɩ tɩtɩa nɛ ma maga dɩ ma chaanɛ nɩaa teeŋ, dɩ ba wuo na wʋzɔmɔ-la ma sɩɩ ŋaa a dɛnnɛ ma Nyɩmma sɩ hɛ Wɩa-jaŋ lɛ.

Ma nagɛ chaanɩŋ nɛ dʋnɩa nɩaa kala teeŋ. Taŋ kala sɩ chɩŋ peeliŋ nyuŋ, ʋ bɩ wuo faa.

Wɩa jaŋ pɛ nɩalɩŋ sɩ kɛŋ tʋɔpʋla lɛ, ba jaŋ na Wɩa.

Wɩa jaŋ pɛ nɩalɩŋ sɩ faasa chɩchɛ tʋɔpʋla a nagɛ losuŋ koo lɩɩnyʋasʋŋ sɩ kɛŋ nɩaa ba chɩchɛ kʋdiilee koo lɩɩŋ ŋɩɩ. Wɩa jaŋ leŋ dɩ ba kɛŋ tʋɔpʋla.

Ama lɛɛlɛ mɩ jaŋ bʋla pɩma, má cho ma dʋndɔŋŋɔɔ a chʋɔlɛ Wɩa pɩpɩ nɩalɩŋ sɩ to naasɩŋ dɔgɩsɛma.

“Wɩa jaŋ pɛ nɩalɩŋ sɩ bene arɩ ba ha bɩ Wɩa jɩŋ woruŋ lɛ. Ba nɛ jaŋ hɛ Wɩa kuorii-la tʋɔŋ.

Wɩa jaŋ pɛ nanjejeeree lɛ. Ʋ jaŋ kɛmba yɩrɛ ʋ biiriŋ.

Wɩa jaŋ pɛ nɩalɩŋ sɩɩ yel lɛ. Ʋ jaŋ leŋ dɩ ba tʋɔŋ pɩŋ dɩ-bala.

Wɩa jaŋ pɛ nɩalɩŋ ba sɩɩ dɔgɩsʋ lɛ a tɩŋ tʋɔpʋla wɩaa. Ba jaŋ hɛ Wɩa kuorii-la tʋɔŋ.

Wɩa jaŋ pɛ nɩalɩŋ sɩɩ fá nɩaa nenige lɛ. Ʋ ma jaŋ fá ba nenige.

Dɩ nɩaa nɛ tʋʋsɛma aŋ pɛ to naasɩŋ dʋdɔgɩsɛma aŋ nyɩɛ wɩaa pɩpɩma a tɩŋ ma sɩ ŋaa mɩ harɩ-tooroo wɩaa, Wɩa ma jaŋ pɛ ma lɛ. Má leŋ dɩ ma tʋɔŋ tɔrɛ dɩ ma jʋjʋɔsɛ, bɛɛ wɩaa ma time jaŋ yʋgɛ Wɩa-jaŋ lɛ. Ba sɩ to ma naasɩŋ dʋdɔgɩsɛma ŋɩɩ, ŋɩɩ tɩtɩa nɛ ba fa dɔgɩsɛ Wɩa wʋlaabʋllaa ma.

Wɩa jaŋ pɛ nɩalɩŋ sɩ bɩ ba tɩtɩa ka dagɛ lɛ. Ba jaŋ dii Wɩa kuorii-la tintee-falɩɩ-la lɛ.

Ma nagɛ yɩsɩŋ nɛ dʋnɩa nɩaa teeŋ. Yɩsɩŋ sɩma, ama dɩ ʋ nɛ sɛbɩsɛ, ŋ bɩra bɩ jaŋ wuo ŋaa dɩ ʋ sɩŋ. Ʋ ŋaa kʋtɔɔ nɛ, ba yie joŋo ta nɩaa nʋnʋɔsɛ.

Ʋ maga dɩ ma ŋaa tʋɔpʋl tɩmma nɛ a sɩ́ wʋcheeli kala kɛŋ, arɩ ma Nyɩmma sɩ hɛ Wɩa-jaŋ sɩ ŋaa tʋɔpʋl Tɩɩna ŋɩɩ.”

Ama ma-na yaa bʋl, ‘Oo’ koo ‘Aɩ’ dʋndʋŋa, a lɩɩ ŋɩɩ harɩŋ, dɩ ma bɩra bʋl wʋbɔŋ ʋ lɩɩ Sɩtaanɩ nɛ.

Ma nɩa arɩ Mosis fa bʋla, ‘Dɩ nʋʋ nɛ tɔɔ ŋ sɩɩŋ pʋrɛ, ʋ maga dɩ ŋ ma tɔɔ ʋ sɩɩŋ pʋrɛ, dɩ nʋʋ nɛ ŋmoo ŋ nyɩlɩŋ churi, ʋ maga dɩ ŋ ma ŋmoo ʋ nyɩlɩŋ churi.’ Ama lɛɛlɛ mɩ jaŋ bʋla pɩma, dɩ nʋʋ nɛ ŋaa wʋbɔŋ ŋ lɛ, sɩ́ wʋbɔŋ-la joŋo timu. Dɩ nʋʋ nɛ fallɛ ŋ nadiiŋ chaŋkpaŋɩŋ lɛ, kɛŋ ŋ nagʋa chaŋkpaŋɩŋ ma kaa bɩrɩma pʋ.

Dɩ ŋ nadiiŋ sɩɩŋ nɩɩ chɛ dɩ ʋ kɛnɩŋ hɛ wʋbɔmʋŋ lɛ, lɩɩsa ta. Ŋ sɩ jaŋ jʋʋ Wɩa kuorii-la tʋɔŋ arɩ sɩɩ-togo, ʋ nɛ kpɩa ba sɩ joŋuŋ yuo hɛ Wɩa nyiniŋ lɛ arɩ sɩaa balɩa. Dɩ ŋ nadiiŋ nɩsɩŋ nɩɩ chɛ dɩ ʋ kɛnɩŋ hɛ wʋbɔmʋŋ lɛ, kere ta. Ŋ sɩ jaŋ jʋʋ Wɩa kuorii-la tʋɔŋ arɩ nakuuŋ, ʋ nɛ kpɩa ŋ sɩ kɛŋ ŋ yaraa kala aŋ jʋʋ Wɩa nyiniŋ.