Popular Bible Verses from Matiu 13

Share

Kɩalɩŋ sɩ tel tintee-zɔmʋŋ lɛ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ a jɩŋ ba bʋbʋɔŋ. Wɩalɩŋ kɛŋ doho kɩŋkɛŋ kɩŋkɛŋ ba teeŋ, dɔnsʋŋ nɛŋ zɔlɔ zɔlɔ, dɔnsʋŋ mahɩŋ batori batori, dɔnsʋŋ ma mara arɩ fii fii.”

Kɩalɩŋ sɩ tel sɔsʋŋ tʋɔŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ama dʋnɩa wɩaa arɩ dʋnɩa kɩaa wɩaa wʋwalɩmɛba, ba cho dɩ ba jige aa chɛ kʋŋkala. A tɩŋ wɩaa deemba, ba bɩ sɛɩ dɩ ba to wɩalɩŋ. Wɩalɩŋ bɩ doho kɛnɛ ba teeŋ.

Nɩalɩŋ sɩ yie nɩɩ Wɩa niiŋ wɩalɩŋ a mʋ tɩgɛ Wɩa kuorii-la lɛ aŋ bɩ ba bʋbʋɔŋ jɩŋ, ba nagɛ kʋdoho-la sɩ tel wombiiŋ lɛ nɛ. Sɩtaanɩ yie guu kɔ a kɛŋ wɩalɩŋ a liiri ba tʋɔŋ lɛ.

Kɩalɩŋ ma sɩ tel kpagɩnyɩlɩŋ nyuŋ ma nɛ ŋaa nɩalɩŋ sɩ yie guu laa Wɩa niiŋ wɩalɩŋ dii arɩ tʋɔtɔrʋŋ. Ama ba bɩ bɔyɛ kɛnɛ a nagɛ naapolo-la sɩ bɩ tinteeŋ jʋa ŋɩɩ, ba bɩ diene. Dɩ hɛɛŋ nɛ jʋʋba, koo dɩ ba to naasɩŋ dʋdɔgɩsɛba a tɩŋ wɩɩ-la wɩaa, ba tʋɔŋ guu lɩɩ wɩɩ-la lɛ, ba joŋo ta.

Yesu bɩra bʋl, “Wɩa kuorii-la nagɛ ŋ-la nɛ: Baal kʋbala nɛ mʋ pɩpɛrɛ baga a na dɩ sɛlɩmɛ hɛ baga-la lɛ. Ʋ sɩ na sɛlɩmɛ-la, ʋ gbaa tɔ, ʋ tʋɔŋ kala faasa tɔrɛ kɩŋkɛŋ. Ŋɩɩ nɛ ʋ mʋ yallɛ ʋ kɩaa kala a kɛŋ moribie-la a kaa mʋ yɔɔ baga-la.”

Kʋdoho-la dɔnsʋŋ ma tel tintee-zɔmʋŋ lɛ a nyʋ a waa a wasɛ woruŋ. Dɔnsʋŋ hɛ biee zɔlɔ zɔlɔ, dɔnsʋŋ ma mahɩŋ batori batori, dɔnsʋŋ ma mara arɩ fii fii.”

Dɩ miiri-la nɛ bɩa, mɩ jaŋ leŋ dɩ nɩalɩŋ sɩ jaŋ mʋ kʋŋ miiri-la laa sɩpaaŋ churi yaŋ-la a vɔɔ nyɩgɛ, aŋ-na kʋŋ miiri-la kaa kʋ hɛ mɩ vire lɛ.’ ”