Popular Bible Verses from Matiu 10

Share

Ŋɩɩ nɛ Yesu bɩra bʋl, “Má jegile nɩɩ, ma nagɛ piesee nɛ, mɩɩ tɩmma dɩ ma mʋ guoli guŋgurusuŋ tʋɔŋ. Má saa kɛŋ wʋjɩmɩŋ a nagɛ dɩŋŋaa sɩ kɛŋ wʋjɩmɩŋ ŋɩɩ, aŋ leŋ dɩ ma sɩaa fɩɛlɛ a nagɛ kokosuŋ sɩaa sɩ fɩɛla ŋɩɩ.

Nɩɩ-la kala sɩɩ chɛ ʋ tɩtɩa mɩɩsɩŋ, ʋ jaŋ joŋ ʋ mɩɩsɩŋ ta. Ama nɩɩ-la kala sɩ vɩa ʋ mɩɩsɩŋ ta a tɩŋ mɩ wɩaa, ʋ jaŋ kɛŋ mɩɩsɩŋ.

Ŋɩɩ nɛ Yesu bɩra bʋl, “Má sɩ́ nɩalɩŋ sɩ jaŋ wuo kpʋ ma yaraa fá, nɩaa deemba bɩ ma dɩma wuo kpʋ. Ama má fá Wɩa. Ʋ nɛ kɛŋ doluŋ dɩ ʋ wuo joŋ ma yaraa arɩ ma dɩnsɩŋ kala a hɛ Wɩa nyiniŋ tʋɔŋ. Mɩ bʋlaa pɩma, má fɩfáʋ.

Nɩɩ-la kala sɩ bɩ ʋ tɩtɩa daagɛsɛ baasa a to mɩ harɩŋ, ʋ bɩ maga dɩ ʋ ŋaa mɩ harɩ-tooru.

Nɩɩ-la kala sɩ jaŋ wuo bʋl nɩaa tʋɔŋ arɩ ʋ ŋaa mɩ nʋʋ nɛ, mɩ ma jaŋ bʋl ŋɩɩ a tɩgɛ ʋ lɛ mɩ Nyɩmma Wɩa sɩ hɛ Wɩa-jaŋ lɛ sɩpaaŋ. Ama nɩɩ-la kala sɩ vɩamɛ nɩaa tʋɔŋ, mɩ ma jaŋ vɩaʋ mɩ Nyɩmma Wɩa sɩ hɛ Wɩa-jaŋ lɛ sɩpaaŋ.

Má vaarɛ nyanyal tɩŋŋaa a chɩsɛ sʋʋnʋŋ a vaarɛ gbegisiŋ a kiri jɩŋ-bɔŋŋɔɔ nɩaa lɛ. Dɩ ma nɛ ŋaa ŋɩɩ, má sɩ́ time kala laa, bɛɛ wɩaa ma ma bɩ kʋŋkala time aŋ laa.

Ŋɩɩ wɩaa, má sɩ́ leŋe dɩ fawʋllʋŋ kɛmma. Ma nɛ paala kɩɩ zaarɩ-kokobii laalɩŋ.

Ma fa bɩɩna mɩ kɔ dʋnɩa dɩ nɩaa sɩŋ nɛɛ? Aɩ, yuosuŋ nɛ mɩ kaa kɔ.