Popular Bible Verses from JOSUA 1

Share

Mɩ bʋla pɩŋ arɩ ŋ nyɩrɛ bɔyɛ a kɛŋ tʋɔ-doluŋ. Sɩ́ leŋe dɩ fawʋllʋŋ kɛnɩŋ dɩ ŋ nandaasɩŋ yʋɔrɛ, mɩ-na ŋ TƖƖNA Wɩa jaŋ hɛ ŋ teeŋ lee na-kala ŋ sɩɩ mʋ.”

Kɩkarɩmɛ teŋ-la Mosis sɩ ŋmʋnsɛ mɩ wombiee hɛ bʋa na-kala, aŋ kɛmba chʋchɔgɩsɛ ŋ tʋɔŋ lɛ tɩtaŋɩŋ arɩ wɩɩhɛyɛ, aŋ fɩɛlɛ ŋ sɩaa a to wɩalɩŋ kala ba sɩ ŋmʋnsa hɛ ʋ lɛ. Dɩ ŋ nɛ ŋaa ŋɩɩ, ŋ wɩɩkala jaŋ chaasa vɛŋ woruŋ.

Nyɩrɛ bɔyɛ a leŋ dɩ ŋ tʋɔŋ faasa dol. Fɩɛlɛ ŋ sɩaa a to wombii-la kala mɩ tɩntɩnna Mosis sɩ dagɩŋ. Pɔ dɩ ŋ sɩ́ begilu wombii-la lɛ a mʋ nadiiŋ koo nagʋa, dɩ wɩɩkala ŋ sɩɩ ŋaa vɛŋ woruŋ pɩŋ lee na-kala ŋ sɩ jaŋ mʋ.

Josua, ŋ mɩɩsɩŋ kala lɛ, nʋʋkala bɩ jaŋ wuo yuo diiŋ. Mɩ jaŋ hɛ ŋ teeŋ arɩ mɩ fa sɩ hɛ Mosis teeŋ ŋɩɩ. Mɩ bɩ jaŋ kɔ dɩ mɩ vɩaŋ ta koo a lɩɩ ŋ harɩŋ.

Nyɩrɛ ŋ bɔyɛ a kɛŋ tʋɔ-doluŋ, bɛɛ wɩaa ŋ nɛ jaŋ laa nɩaa deemba sɩpaaŋ dɩ ma mʋ laa tintee-la tɩɩ, tintee-la mɩ fa sɩ hɛ niiŋ a pɩ ba naabalɩmaba arɩ mɩ jaŋ joŋo pɩba.

Lee na-kala ma sɩ jaŋ joŋ ma naaŋ nʋɔsɛ, mɩ jaŋ joŋo pɩma arɩ mɩ sɩ bʋl ŋɩɩ a pɩ Mosis.

Ʋ sɩ, “Mɩ tɩntɩnna Mosis sʋba nɛ, ŋɩɩ wɩaa, ŋ dɩ Iziral tɩŋŋaa kala kɛŋ ma tɩtɩa hɛ dɔŋɔ a chol Jɔdaŋ fuo-la a mʋ tintee-la mɩ sɩ jaŋ joŋo pɩma.

La TƖƖNA tɩntɩnna Mosis sʋʋŋ harɩŋ lɛ, La TƖƖNA fa bʋl wɩaa a pɩ Nuŋ nanʋala Josua, nɩɩ-la fa sɩ pɛ Mosis lɛ ba tɩtɩŋ.

Ma tinteeŋ bʋa jaŋ chɩŋ tintee-hɩlɩɩ-la wɩɩpɔsʋŋ nadiiŋ a mʋ yi lee-la ba sɩɩ yɩrɛ Lɛbanɔŋ peele-la wɩɩpɔsʋŋ nagʋa, a chɩŋ fuo-bal-la ba sɩɩ yɩrɛ Yufireti sɩ hɛ wɩɩpɔsʋŋ dɩɩrɩŋ a kaa mʋ Hiti tɩŋŋaa tinteeŋ kala ŋɩɩ a mʋ yi mʋgʋ-bal-la ba sɩɩ yɩrɛ Mediterenia sɩ hɛ wɩɩjʋʋlʋŋ dɩɩrɩŋ.

Nɩɩ-la kala sɩ bɩŋ sɛyɛ aŋ ŋaa wɩɩ a chei wɩalɩŋ ŋ sɩ daga, la jaŋ kpʋ tɩɩna. Ŋ-na nyɩrɛ ŋ bɔyɛ a kɛŋ tʋɔ-doluŋ.”

“Má jʋʋ ma dɩhɔnʋŋ a gɔllɔ bʋla pɩ nɩaa kala dɩ ba ŋaa ba kʋdiilee a kɛŋ ba tɩtɩa hɛ dɔŋɔ. A chɩŋ jɩnɩŋ a kaa mʋ tapʋlaa batori pɛgɛ, ma jaŋ chol Jɔdaŋ fuoŋ a mʋ laa tintee-la ma TƖƖNA Wɩa sɩ joŋo pɩpɩma dɩ ʋ ŋaa ma kʋŋ.”