Popular Bible Verses from MOSIS KƐŊ IZIRAL TƖŊŊAA LƖƖ 10

Share

Ŋɩɩ nɛ La TƖƖNA bʋla pɩ Mosis, “Mʋ Ijipiti tinteeŋ kuoro teeŋ, mɩ nɛ ŋaa ʋ dɩ ʋ nɩhɩasɩŋ tʋɔŋ pɩrɛ, dɩ mɩ wuo to ŋɩɩ lɛ a ŋaa wʋmagɩlaa ba tʋɔŋ. Ŋɩɩ jaŋ leŋ dɩ ma wuo bʋla pɩ ma biiriŋ arɩ ma nihee ŋɩɩ mɩ sɩ wʋrɩgɛ Ijipiti tɩŋŋaa arɩ wʋmagɩla-la mɩ sɩ ŋaa ba tʋɔŋ, dɩ ma wuo jɩŋ arɩ mɩ nɛ ŋaa ma TƖƖNA.”

Ŋɩɩ nɛ La TƖƖNA bʋla pɩ Mosis, “Kɛŋ ŋ nɩsɩŋ je wɩa-nyuŋ, birimiŋ jaŋ kʋ tɔ Ijipiti tinteeŋ kala, dɩ leriŋ biri churu.” Ŋɩɩ nɛ Mosis kɛŋ ʋ nɩsɩŋ je wɩa-nyuŋ, birimiŋ kʋ tɔ Ijipiti tinteeŋ kala, leriŋ biri lim tapʋlaa batori. Nʋʋkala bɩ ʋ dɔŋɔ ka na, nʋʋ ma bɩ wuo sii lee-la ʋ sɩ hɛ, ŋɩɩ tapʋlaa batori. Ama pʋlʋmʋŋ hɛ Iziral tɩŋŋaa-na sɩ hɛ lee-la nɛ.

Ŋɩɩ nɛ Mosis kɛŋ ʋ dantɩga zaarɛ Ijipiti tinteeŋ lɛ, La TƖƖNA leŋ peliŋ lu a lɩɩ wɩɩpɔsʋŋ dɩɩrɩŋ wɩɩhɛyɛ arɩ tɩtaŋɩŋ kala, taŋ ka pʋl dɩ pel-la kɛŋ hɔbɔ kɔ Ijipiti tinteeŋ. Hɔbɔ-la faasa yʋgɛ a kʋ tɔ Ijipiti tinteeŋ lee-kala. Hɔbɔ-la doho ha bɩ Ijipiti tinteeŋ ŋɩɩ tɔ aŋ ka, ba maachie ma saa bɩra bɩ jaŋ kɔ dɩ ba tɔ Ijipiti tinteeŋ ŋɩɩ.