Popular Bible Verses from 2 Kɔrɩntɩ Nɩaa 12

Share

Ŋɩɩ nɛ Wɩa bʋla pɩmɛ, “Mɩ zile yʋga kɩŋkɛŋ ŋ teeŋ, dɩ ŋ nɛ bɩ doluŋ kɛnɛ ŋɩɩ nɛ mɩ doluŋ yie faasa tɩŋ ŋ lɛ.” Ŋɩɩ wɩaa mɩ tʋɔŋ tɔrɔ nɛ, mɩ jaŋ bigisi mɩ tɩtɩa lɛ a tɩŋ mɩ sɩ bɩ doluŋ kɛnɛ wɩaa, dɩ Kirisito dol-la wuo hɛ mɩ lɛ a tɩtɩŋ.

Ŋɩɩ wɩaa a tɩŋ Kirisito wɩaa dɩ mɩ nɛ bɩ doluŋ kɛnɛ, dɩ ba nɩɩ tʋʋsɛmɛ, dɩ mɩ nɩɩ na hɛɛŋ, dɩ ba nɛ to naasɩŋ dʋdɔgɩsɛmɛ, koo dɩ wɩaa nɛ jʋʋmɛ ma, mɩ tʋɔŋ ha yie tɔrɛ nɛ. Dɩ mɩ nɛ bɩ doluŋ kɛnɛ, Wɩa yie pɩmɛ ʋ doluŋ nɛ.

Dɩ mɩ nɩɩ chɛ dɩ mɩ bigisi mɩ tɩtɩa lɛ ma, mɩ bɩ jaŋ bʋl nɩyaarɛ wɩaa. Mɩ jaŋ bʋl wʋtɩtɩɩba. Ama mɩ bɩ jaŋ bigisi mɩ tɩtɩa lɛ, dɩ nʋʋkala sɩ́ wuo na wombiiŋ a bɩɩnɛ arɩ mɩ kɩɩ ŋɩɩ mɩ sɩ maga nɛ, a tɩŋ wɩalɩŋ ba sɩ na mɩ teeŋ, koo a tɩŋ wɩalɩŋ ba sɩ nɩa dɩ mɩɩ bʋl lɛ. Wʋkpuŋkperisi-la kala Wɩa sɩ joŋo dagɛmɛ fa jaŋ wuo ŋaa dɩ mɩ bigisi mɩ tɩtɩa lɛ. Ama dɩ mɩ sɩ́ wuo na wombiiŋ a bigisi mɩ tɩtɩa lɛ, Wɩa joŋ hɛɛ kʋbala hɛ mɩ lɛ. Ʋ wʋwɩɩ a nagɛ sɔɔŋ sɩ tɔmɛ. Hɛɛ-la naga ʋ to Sɩtaanɩ lɛ nɛ a kʋ walɩmɛmɛ dɩ mɩ sɩ́ wuo na wombiiŋ a bigisi mɩ tɩtɩa lɛ.