Popular Bible Verses from 1 Kɔrɩntɩ Nɩaa 13

Share

Dɩ ŋ nɛ cho nɩaa, ŋ jaŋ kɛŋ kenyiri ba teeŋ a kɛŋ zile ma, ŋ bɩ jaŋ kɛŋ yarɩ-bieriŋ nɩaa teeŋ, ŋ bɩ jaŋ bibigisi ŋ tɩtɩa lɛ ba teeŋ, ŋ bɩ jaŋ ŋɩŋaa sɩɩ-duoŋ ma ba lɛ. Dɩ ŋ nɛ cho nɩaa, ŋ bɩ jaŋ ŋaa wɩaa jʋjʋʋ ba lɛ, ŋ bɩra bɩ jaŋ to ŋ tɩtɩa tʋɔtɔrʋŋ lɛ, ŋ bɩ jaŋ leŋ dɩ ŋ baanɩŋ sisii lɩma lɩma, ŋ bɩra bɩ jaŋ laa wɩaa hɩhɛ ŋ tʋɔŋ.

Dɩ ŋ nɛ cho nɩaa, ŋ jaŋ kɛŋ nyalɩma wɩɩkala lɛ, a laaba dii, a kɛŋ yɩɛlaa, a kɛŋ nyʋa-mɛrɛ.

Dɩ ŋ nɛ cho nɩaa, ŋ tʋɔŋ bɩ jaŋ tɔrɛ dɩ ba nɛ ŋaa wʋbɔŋ, ama ŋ tʋɔŋ jaŋ tɔrɛ dɩ ba to wʋtɩtɩɩ.

Ŋɩɩ-na wɩɩ-la dɩdɛrɩŋ, wɩaa batori nɛ hɛ nɩmɛ. Ba nɛ ŋ-la: Wɩa laa diiniŋ, yɩɛlaa arɩ chonuŋ. Ama wɩaa deemba batorumuŋ tʋɔŋ ba sɩɩfɩaŋ wɩɩŋ nɛ, chonuŋ.

Chonuŋ-na bɩ dɛrɛ. Dol-la Wɩa Dɩŋ-zɔmʋŋ sɩ joŋo pɩla la wuo bʋbʋl Wɩa wɩaa, a wuo bʋbʋl yikori dosunuŋ kala a pɛ wʋjɩmɩŋ ma lɛ, ba kala jaŋ lɛl.

Dɩ mɩ nɛ wuo bʋbʋl yikoro-na kala a wuo bʋbʋl Wɩa tɩndaaraa ma yikoro, aŋ bɩ nɩaa cho, ʋ nagɛ bimbelimiŋ nɛ mɩ ŋmuŋmoo ŋɩɩ a ŋɩŋaa goŋ pɛɩ.

Dɩ Wɩa Dɩŋ-zɔmʋŋ nɛ pɩmɛ doluŋ dɩ mɩ wuo bʋbʋl Wɩa wɩaa, a wuo jɩŋ wʋfaalɩɩ kala bʋbʋɔŋ, a kɛŋ wʋjɩmɩŋ kala, aŋ pɛ laa Wɩa dii a jaŋ wuo ŋaa dɩ peelee churo mʋmʋ leree dɔnsʋŋ, aŋ bɩ nɩaa cho, ʋ ŋaa wʋpɛɩ nɛ.

Dɩ mɩ nɛ joŋ mɩ kɩaa kala a pɩ summoo, a joŋ mɩ tɩtɩa a pɩ nɩaa dɩ ba nyɩgɛ nyiniŋ dɩ ʋ diimi kpʋ, aŋ bɩ nɩaa cho, ʋ bɩ nyʋʋrɩ kala kɛnɛ.

Mɩ fa sɩ ŋaa hambie, mɩ bʋl hambii wɩaa nɛ, a bɩɩnɛ wɩaa ma a nagɛ hambie, a fa ŋɩŋaa wɩaa a nagɛ hambie. Ama mɩ sɩ kʋ waa dɛrɛ, mɩ joŋ hambii wɩalɩŋ ta nɛ.