Popular Bible Verses from Romafɔ 12

Share

Mlɩmáha ɔsʋlʋ anfɩsʋ atsiabi igyi mlɩsʋ. Mlɩha Bulu ɔtsɛ mlɩ agywɩɩn, ɩha mlɩ tsiatɔ ɩtsɛ. Fówun mlɛ́talɩ bɩá Bulu apɛ bʋ alɛ, ɩbʋ ɔdwɛ, ɩlɔfʋn.

Ɩnɩá Bulu hɩɛ ɔdɛ anɩ nwɛ wun alɩ sʋ a, mɩ apio, ndɛ mlɩ kokoli mbɛɛ, mlɩpʋ mlɩ ɩwɩ fɛ́ɛ́ ha Bulu mlɩ nkpatɔ. Ɩbwɛ fɛ igyi ahatɔ wankɩhɛ ha mʋ. Ɩnɩgyi osum ánɩ́ itsu klʋntɔ, ilegyi mʋ ansɩ nɩ.

Mlɩ ɔkpakɩ amʋ sʋ mlɩnya ansigyi, amlɩlɩɩ kinkin mlɩ ipiantɔ. Mlɩbɔ mpaɩ brɛ fɛ́ɛ́tɔ.

Mlɩmáha lalahɛ igyi mlɩsʋ, mboun mlɩbwɛ yile pʋgyi lalahɛsʋ.

Mlɩha mlɩ ansɩ ɩpɛ mlɩ aba Akristofɔ dwɛsʋ, amlɩbu aba wanklaan.

Mlɩdwɛ aha tsu mlɩ klʋntɔ. Mlɩkisi lalahɛ kugyikʋ. Mlɩkɩta yilebwɛtɔ kinkiinkin.

Alɩágyialɩá igyi mlɩ mʋ́ a, iwilwii itsia mlɩa ɔhagyiɔha nsɩnɛ.

Mɩ apio adwɛpʋ, mlɩmápʋ lalahɛ ka mlɩ aba ɩkɔ. Mlɩsi togyitɔ ha Bulu. Tsufɛ bɔwanlɩn wa Bulu asʋn amʋtɔ bɛɛ, “Bulu ɔbɛɛ, ‘Mɩ, mlɩ Wie tɛka ɩkɔ. Mɩ ɔbɛ́ka aha akɔ amʋ́ lakpan sʋ.> ”

Mlɩmáha mlɩ nsiwa bwɛ atɔ ɔnɔ ɩba asɩ. Mlɩha Ɔŋɛ Wankɩhɛ amʋ ɔwa mlɩ ɔwʋnlɩn, amlɩsum anɩ Wie.

Bulu agyʋma amʋʋ alawa awɩtɔlɛ pʋha mɩ amʋsʋ ndɛ mlɩtɔ okugyiɔkʋ bla mbɛɛ, ɔhaa mákɩ mʋ ɩwɩ dafa alɩá ogyi. Ɔhagyiɔha ɔba ansɩ asɩ, ɔkɩá ɔmɔdʋn hogyi amʋʋ Bulu lapʋha mʋ amʋ.

Nɩ ɔkʋ ɔpʋ lalahɛ gyi mlɩ a, mlɩmápʋ lalahɛ ka mʋ ɩkɔ. Mlɩbɔ mbɔdɩ amlɩbwɛ tɔá ɩbʋ alɛá aha fɛ́ɛ́ bótsula dɩnka mʋ́sʋ.

Mlɩ fɛ́ɛ́ mlɩtsia wanklaan. Mlɩmátsu ɩwɩ. Mlɩpʋ ɩwɩ manta aha ánɩ́ aha bʋtamabu amʋ́. Mlɩmákɩ mlɩ ɩwɩá mlɩdʋn akʋ.

Bulu asʋn wanlɩnhɛ lɛtra blɩ ɔbɛɛ, “Nɩ akʋn dɛ fʋ olupʋ a, ha mʋ atɔ ogyi. Nɩ ɔmɛwʋlɩ dɛ mʋ a, ha mʋ ntsu onun. Nɩ fɔbwɛ mʋ́ alɩ a, ɩbɛ́ha pɛlɩ bɛ́kɩta mʋ ɔbɛ́tsɛ.”

Mlɩyula aha ánɩ́ bʋdɩn mlɩsʋ. Mlɩyula amʋ́, mlɩmálwɩɩ amʋ́. Nɩ akʋ bʋdɛ ansigyi nya a, mlɩa amʋ́nyɔ mlɩnya ansigyi. Nɩ akʋ bʋdesu ɛ a, mlɩa amʋ́nyɔ mlɩsu.

Mlɩbʋa mlɩ aba Bulu aha ánɩ́ bʋbʋ ɩkplantɔ. Mlɩyɩrɩ ɩwɩ hɔ afɔɔ.

Nyankpʋsa-oyi ɩwɩ atɔ anɩ fɛ́ɛ́ anɩgyi. Ntobi amʋtɔ kugyikʋ bʋ mʋ́ gyʋma ánɩ́ itegyi nyankpʋsa-oyi amʋsʋ. Alɩ kɛn ɩbʋ mʋ́tɔá anɩtsɔ, tamɛ anɩa Kristonyɔ anɩlabwɛ ɔyʋlʋ ɔkʋlɛ nɩ. Mʋ́ sʋ anɩgyi ntobi ɔtsan-ɔtsan ánɩ́ anɩtsatsa abasʋ, anɩlɔbwɛ ɔyʋlʋ ɔkʋlɛ amʋ.