Popular Bible Verses from Israelfɔ Ɩlʋ 103

Share

Oo mɩ ɔkla, kanfʋ Nana Bulu. Mátan mʋ atɔ bwɛhɛ wanklaan ánɩ́ ɔdɛbwɛ ha mɩsʋ.

Mʋtesi mɩ lakpan fɛ́ɛ́ kie mɩ, ɔtɛtsa mɩ ɩlɔ fɛ́ɛ́. Mʋtɛlɛ mɩ tsu afulitɔ, ɔtɔpʋ ɔdwɛá ɩma ɔka mʋ́a nwewun tɔ mɩ nwun. Mʋtɔpʋ atɔ wanklaan bʋla mɩ, mɩ nkpatɔ fɛ́ɛ́, ntɛlabwɛ ɔyasubi fɛ oyitsu.

Oo mɩ ɔkla, kanfʋ Nana Bulu. Mɩ ɩklʋn fɛ́ɛ́ ɩkanfʋ mʋ ɩda wankɩhɛ.

Alɩ amʋʋ ɔsɩ towun mʋ abi nwɛ amʋ a, alɩ Nana Bulu towun mʋ ifu anyapʋ nwɛ nɩ.

Alɩ amʋʋ owi ɔdalɩkpa ɩbʋ ɩfɔ tsu owi ɔkplɩwiekpa amʋ a, alɩ ɔtɛha anɩ lalahɛ tɔwa ɩfɔ anɩ ɩwɩ nɩ.

Nwɛ owunpʋ pʋ awɩtɔlɛpʋ Nana Bulu gyi. Ɔtamakɔsɩ nya ɔblɔ, mʋ ɔdwɛá ɩma ɔka ɩhɩɛ tsɔ.

Ɔtamabɩtɩ anɩ ɩsʋ anɩ lakpan ɔnɔ, ntɛ pʋ anɩ lakpan ka anɩ ɩkɔ. Tsufɛ alɩ amʋʋ ɔsʋsʋ lɛhɩɛ fʋa tsu ɔsʋlʋsʋ amʋ a, alɩ mʋ ɔdwɛá ɩma ɔka ɛ lɛhɩɛ moni ha mʋ ifu anyapʋ nɩ.

Nana Bulu layaɩ mʋ owie-obia ɔsʋsʋ. Mʋdɛ togyitɔsʋ gyi.