Popular Bible Verses from Mateo 16

Share

Mʋʋ ɔlɛbla mʋ akasɩpʋ amʋ ɔbɛɛ, “Nɩ ɔkʋ dekleá obóbuo mɩ a, osi tɔá otekle bwɛ, otsu mʋ oyikpalihɛ bobuo mɩ.

Ɩnɩ sʋ mɩ ɛ ndɛ fʋ bla mbɛɛ, fʋ ɩda gyi Petro. Mʋ́ asɩ gyi, ‘Bʋta.> Bʋta anfɩsʋ néyi mɩ ɔpasua dɩnka nɩ. Lowu tumi mɛ́ɛtalɩ gyi mʋ́sʋ ɛkɛkɛɛkɛ.

Nɔ́pʋ Bulu iwiegyi amʋ asaafɩ wa fʋ ɩbɩtɔ. Asʋngyiasʋn ánɩ́ fékina ɔsʋlʋ anfɩsʋ a, Bulu ɛ obékina mʋ́ ɔsʋsʋ. Mʋ́á fótsula a, Bulu ɛ obótsula mʋ́sʋ ɔsʋsʋ.”

Tsufɛ nɩ ɔkʋ lɛprɩ mʋ nkpa a, ɩbɔ́hʋlɩ mʋ. Tamɛ nɩ ɔkʋ lesi mʋ nkpa ha mɩ sʋ a, ɔbɛ́lanya nkpa ánɩ́ ɩtamata.

Nɩ ɔkʋ onya ɔyɩtɔ atɔ fɛ́ɛ́, tamɛ ɔhʋlɩ mʋ ɔkla a, labi mɔmʋ ɩlɔwa ha mʋ? Ntɛ ntɔ ɔha ɔbɛ́talɩ pʋtsɛ mʋ nkpa?

Mʋʋ ɔlɛfɩtɛ amʋ́ ɔbɛɛ, “Mlɩ ɛ mɛ? Mlɩa mɩgyi ma?” Simon Petro lɛlɛ mʋ́ ɔnɔ ɔbɛɛ, “Fʋgyi Kristo, (ɔha amʋʋ Bulu lada mʋ ofuli amʋ) nɩ. Bulu Ɔkɩankpapʋ amʋ mʋ Bi.”

Ɩnʋ Yesu lɛbla mʋ ɔbɛɛ, “Bulu layula fʋ Simon, Yona mʋ bi, tsufɛ megyi nyankpʋsa ɔkʋkʋ lɛlɛ ɔnɔkwalɩ anfɩ ɔwan suna fʋ. Mɩ Sɩ amʋʋ ɔbʋ ɔsʋsʋ amʋ nɩ.