Popular Bible Verses from Gyumagyihɛ 5

Share

Petro mʋa sumbi ayɔpʋ atrahɛ amʋ bɛlɛ mʋ́ ɔnɔ bɛɛ, “Bulu asʋnsʋ lehian ánɩ́ abégyi, megyi anyankpʋsa.

Sumbi ayɔpʋ amʋ betsia suna atɔ ekekegyiɛkɛ, da Bulu asʋn wanklaan amʋ ɔkan Bulu ɔtswɛkpa ɩnʋ pʋ́ woyigyiwoyitɔ bɛɛ, Yesu gyi Kristo, (ɔha amʋʋ Bulu lada mʋ ofuli amʋ).

Mʋʋ Petro lɛfɩtɛ mʋ ɔbɛɛ, “Anania, ntogyi sʋ faha Ɔbʋnsam lagyi fʋsʋ, fapʋ kɔba amʋʋ fenya amʋ kʋ ŋain, bɔwa afunu suna Ɔŋɛ Wankɩhɛ? Fʋbʋ fʋ ɔsʋlʋ asa fɛfɛ mʋ́. Ɩnɩá fɛfɛ mʋ́ ɛ a, fʋbʋ fʋ kɔba. Ntɔ lahan fʋ sʋ fabwɛ ɩtɔá igyi alɩ? Bulu fawa afunu suna o, megyi anyankpʋsa.” Anania lenya nu asʋn anfɩ alɩ ɔlɛtɩn da wu. Mʋ́ sʋ ifu lɛhɩɛ kɩta aha ánɩ́ bonu asʋn anfɩ fɛ́ɛ́.

Mʋ́ sʋ ndɛ mlɩ bla mbɛɛ, mlɩsi aha anfɩ. Mlɩmápʋ ɩbɩ da amʋ́. Tsufɛ nɩ itsu anyankpʋsa wa a, mʋ́ fɛ́ɛ́ ɩbɛ́ba bɔtsʋn. Tamɛ nɩ itsu Bulu wa a, mlɩmɛ́ɛtalɩ ka amʋ́ itin. Mʋ́ sʋ mlɩmábwɛ amʋ́ tɔtɔ, mɛnɩ ɩmɔ́ɔbwɛ fɛ mlɩa Bulunyɔ mlɩdɛkɔ.” Yudafɔ ahandɛ amʋ botsula dɩnka Gamaliel asʋn anfɩsʋ.