1
Romapụ 5:8
Kịrịkẹnị Baịbụl
OBTP
Ọkụma Tamụnọ Ḅe ọ̀ wa ḅẹlẹma laḅara mị ọ̀ nwọse wa ḍiesam wa pa si ḅụ simearịogbo—Kraịst Ḅe fị wa pịrịmẹ!
Compare
Explore Romapụ 5:8
2
Romapụ 5:5
Tọrụseḍikiye mị pịkị wa gbakị ẹkẹ, anịatịḅị Tamụnọ Ḅe ḅẹlẹma mị ini nwọse mịna kuḅiemgbọlụma ḅie sarasam, Tamụnọ Ḅe seni wa pịrịsa Fịafịa Tẹmẹ Ḅe ḅụ.
Explore Romapụ 5:5
3
Romapụ 5:3-4
Wa pịkị mịna ḅụfụkama ḅie bomaḅẹ, anịatịḅị wa nemimẹ na ḅụfụka inema mịẹpakụmaḅoḅomẹ, inema pịkị tomoniḅọ yemịẹḅara mịẹpakụmapakụmamẹ, tomoniḅọ yemịẹḅara pịkị tọrụseḍikiye mịẹpakụmapakụmamẹ.
Explore Romapụ 5:3-4
4
Romapụ 5:1-2
Mịọkụ ḅereni ḅụ ini wa se Tamụnọ Ḅe na deinma mịẹsam wa Nyanaḅọ Jizọs Kraịst Ḅe ḅụ. Ò ḅereni ḅụ ḅọrọ wa ọkịḅo mị Tamụnọ ḍikiḅụgerere kiri mị lamasam, wa mịọkụ sime ḍumo mị ḅie. Anịgose wa ḅieḅẹlẹmẹ ọ̀ ḅụ wa tọrụseḍikiye mị ḅụ, na wa Tamụnọ Ḅe boma nwọ ḍiaọkịḅịa!
Explore Romapụ 5:1-2
5
Romapụ 5:6
Anịatịḅị wa pa ḅarachụa nyanaka ḅụ simearị sịkị, Kraịst Ḅe fị sitịḅịnyana apụma pịrịmẹ, Tamụnọ Ḅe sẹlẹọkị sịkị mị ḅụ.
Explore Romapụ 5:6
6
Romapụ 5:9
Oria pulo mị ḅụ wa ḅọrọ ḅo Tamụnọ Ḅe ḅụ karakarapụ sọsam, anịọkụma, anị nẹngịma ḅara ọ̀ nwọse Tamụnọ ịganị ḅụ wa ḍụaḅọrọmaḅịa.
Explore Romapụ 5:9
7
Romapụ 5:19
Gbọrị tomoniḅọ ḅe ḅịpịpokika ḅụ nweni mamgba ḅọrọ ḅo siapụ sọ ọkụ mị, anị gbọrị ḅara ḅụ, anị nweni mamgba gbọrị tomoniḅọ ḅe ḅịpịpoki ḅụ ḅọrọ Tamụnọ Ḅe ḅụ karakarapụ sọḅịa ọkụ-ẹ.
Explore Romapụ 5:19
8
Romapụ 5:11
Ọkụma anị mị kẹngẹkẹ, wa pịkị gose ḅieḅẹlẹye anị Tamụnọ Ḅe wa Nyanaḅọ Jizọs Kraịst Ḅe ḅụ ḅọrọ mịẹsaye mị-ẹ, anị wa se Tamụnọ ikiapụ mịẹ ḅọ ḅe.
Explore Romapụ 5:11
Home
Bible
Plans
Videos