Popular Bible Verses from Romapụ 14

Share

Anịatịḅị Tamụnọ Amanyanakiri mị anị fịfịye na ḅuḅuye na ḅụ ofori-ẹ, ọkụma karakara mịẹmịẹye na deinma na, pịkị Fịafịa Tẹmẹ Ḅe pịrịarị ḅieḅẹlẹ na-ẹ. Se mị ḅara mị se fịrịnwẹngị Kraịst Ḅe pịrị ḅọ goyegoye Tamụnọ ḅụḅẹlẹye nwọ mịẹmẹ, pịkị tomoni ḅụḅẹlẹye nwọ mịẹsam.

Wa ḍumomẹ ḅẹḅẹ, Nyanaḅọ Ḅe mị wa ḍumo pịrịye-ẹ, wa pịkị fịmẹ ḅẹḅẹ, wa pịkị fị Nyanaḅọ Ḅe nwọ pịrịmẹ. Wa ḍumo-o, anịkanịka fị-o, wa sime Nyanaḅọ Ḅe pịrịmẹ.

Anịẹrẹchị, wa sịkịmamgba deinma ọkịḅoḅịaye ma nwọ ḍọkị mịẹḅịa, pịkị ḅarachụa ịnyọ se jịnḅọ jịnḅọ pịrịḅịaye ma na.

Anịọkụma ó ye wa ḅarị ḅẹrẹkọn jịnḅọ jịnḅọ pịrị ma. Anịnakaraka, mịn mị tọnpẹlẹ na ị́ mbire ḅe ị́ nwọ mịẹse ọ̀ ḅụọ tọmbụlọ ẹkẹ pịkị ḅịkị si ḅie koro ẹkẹ.

Anịatịḅị fịafịa ḍiri mị nwọ ḅẹmẹ, “À ḍumo warasịkị, Nyanaḅọ Ḅe nwọ ḅẹmẹ, ḅẹḅọ ḅẹḅọ ị̀ tọrọkọ kpẹrẹkịḅịa, ḅẹḅọ ḅẹḅọ pịkị ḍukopakụmaḅịa na ị̀rị̀ Tamụnọ-ẹ.” Anịọkụma mịnaḅụ ḅọḅọ iniḅọ opoli tọn Tamụnọ Ḅe pịrịḅịa.

Ọ́mịna ogboku ó ḅereni ḅụ ịnyọ nyanakaḅọ ḅe ọkị, ọkụma ómine ò kuḅie ye ḅụ sime ḅara nwọse ori na jinea ma.

Ị́rị́ tụḅọ se ḅẹrẹkọn jịnḅọ fịrịnwẹngịḅọ nwọ pịrị ḅe? Ọ̀ Nyanaḅọ Ḅe mị ḍukopẹlẹḅịaye-ẹ ori iḅiọkụ mịẹmẹ anịkanịka ori iḅiọkụ mịẹkẹ. Ọ̀ pịkị iḅiọkụ mịẹḅịa, anịatịḅị Nyanaḅọ Ḅe ori ineda ọ̀ mịẹ se ori iḅiọkụ mịẹḅịa.