Popular Bible Verses from Romapụ 11

Share

Anịatịḅị ori mị ye mamgba tẹmẹye-ẹ, se ye mamgba ọ̀ ḅụ wẹrị ḍumo pịkị sime ọ̀ pịrịmẹ. Ye boma mị sime Tamụnọ Ḅe pịrị gbaso! Amẹn.

Tamụnọ Ḅe pẹrẹ mị ḅaka la-ọkụ ḍiki! Oria nemi na oria yekaịnḅo ḍawọye ma na gbun la-ọkụ ḍiki! Tụḅọ ineda ò ḍuko pẹlẹsaye ma paka ọkụ nwọ ḍuko ḅelema ḅe? Tụḅọ ineda oria mịẹaye ma nwọ kaịnḅo ḅe?

Fịafịa ḍiri mị ḍuko ḅara ḅụ, “Tụḅọ Nyanaḅọ Ḅe kuḅie nemi? Tụḅọ ineda tetema se ọ̀ pịrị ḅe?

Mịọkụ, anị gbọrị ḅara mịn anị mị sịkị sọ anị simeọkụ-ẹ: boka apụ omi-ẹ Tamụnọ Ḅe sẹlẹọkịsa apụma ḅụ, oria ḍikiḅụgerere mị gose. Oria nweni sẹlẹ mị anị oria ḍikiḅụgerere ḅụ sẹrẹrẹmẹ, ini mịẹye ḅụ anị wẹrị ḅokẹ. Anịatịḅị Tamụnọ nweni sẹlẹ mị nemikase tomoni mịẹye ḅụ wẹrị ḅomẹ nwọ ḅẹ ọkụma, anịọkụma oria ḍikiḅụgerere mị ḅarị kọkọma ḍikiḅụgererekẹ.

Oliv nwọ chịn chịn ḅụ ini ḍipi se ḍikiḍikipakụmaḅo ịkpangịma ḅụ daye ini nwọ pẹlẹsinsam, se piri ḅie ngẹrị pakaḅo oliv chịn ịkpangị nwọse anịa ḅụ oḅolo chụamẹ. Ómine Jịnsẹapụma piri ḅie ngẹrị pakaḅo oliv chịn mị simeọkụ ọ́ nwọ simemẹ, mịọkụ Juapụma ḅụ ịnyọ na ḅein tẹmẹ anga ḍumo mị ọ́ nwọ ḍiaọkịsam. Anịẹrẹchị, ómine ini ịkpangị pẹlẹ ọkụ nwọse pẹlẹsin apụma ḍikisimama. Nde ómine ineda opuamịẹye mịẹḅịa ọkụ? Ómine papa ịkpangị-ẹ, ọ́ ḅarachụa kunoma pịrịkẹ—kunoma re mị ḅarachụa ọ́ pịrịye-ẹ.