Popular Bible Verses from Romu 14

Share

Tamụnọ Ama-da mẹ anị fị-na-ḅuu-na gboloma-a, kụma Fịafịa Tẹmẹ ḅe ḅara ḅo karakara mịẹ na, dein na, ḍereku na mie anị ḅio simearị. Tomḅọ mị ḅọkọ ḅụ ḅọrọ tẹ fịrịmẹnjị Kịrayịsị pịrịarị sakị mie mḅọ Tamụnọ ḅioḅẹlẹma tẹ tomi pịkị mḅọ mịẹarị ye mẹ kẹ iḅiye sịn ḅarịye.

Wa ḍumoarị ḅẹḅẹ wa ḍumo KỊNỊNYANAḄỌ ḅe pịrịarị, wa pịkị fịị ḅẹḅẹ wa fịị KỊNỊNYANAḄỌ ḅe pịrịm. Anie ḅụ wa ḍumo-o, wa fịị-o, wa sime KỊNỊNYANAḄỌ ḅe pịrịm.

Ọkọẹrẹsị wamịna ogboku ḅụ dein pakama tẹ pịkị jụmọ-jụmọ kụrọma ḅarị aị mie wa ḍiki tẹ mịẹ ḅarịye.

Ọkọẹrẹsị, ó yee wa jụmọ-jụmọ sọkịrị wẹrịso, tẹ anie nakara ḍụkụ tẹ ị́ ḅụụ ḅo ye jụmọ da-mu si ḅio suu ma.

Kẹ gotẹ ọkọ ḍukoarị, Fịafịa Ḍiri mẹ ḅẹẹarị, “Piki-pikiye-ofori ḅara ḅụ yẹrị anie ḍumo wararị Tamụnọ ḅe nwẹn ḅẹẹ sakị goyegoye, KỊNỊNYANAḄỌ ḅẹẹarị, ḅẹḅọ-ḅẹḅọ ị̀ tọrọkọ kparakị ḅa tẹ ọrụḅọ-ọrụḅọ ḍuko-pakama ḅa mịnẹ yẹrị anie Tamụnọ.” Wamịnị-mgba, ọrụḅọ-ọrụḅọ mḅọ amịna ḍumo kọn ḅara ḍuko Tamụnọ pịrị ḅa.

Minini kụrọ-a ḅọ ọmịna ḅụ ḅẹ ḅọ sọ ḅii, ḅii ọmịnị mḅọ daa-ọkịị, kụma mḅọ kuroma mḅọ da-mu anga ḅẹ aị ḅụ ọmịnị mḅọ na ye-nụnụa ma.

Ị́yẹrị ḅọrọ tụḅọ tẹ jụmọ fịrịmẹnjịḅọ kọn ḅẹ? Mḅọ Nyanaḅọ mie mḅọ mịẹ iḅi na, si na kẹ mḅọ kọn ḅarịye. Mḅọ pịkị inetẹ iḅiye mịẹ ḅa, KỊNỊNYANAḄỌ ḅe ḅarasụa mḅọ pịrịarị ogbo.