“Ị́ tọn Izirẹlịapụ ma pịrị ḅa mịnẹ ịn tọnjọ mẹ gotẹ iḅitẹịn pọnjị olivu pulo ọkị-ḅo ị́ pịrịị, mịẹtẹ tọnjọ sịkọpẹlẹ-a ḅara kẹ kọrị ḅarị ḅara. Kiki-pẹlẹ-ḅịtẹ mẹ tẹ ḅụụ ḍie pakama yọ mẹ tọrọkọ simearị ye mẹ ḅụ paka-ḅo Akpụrụ-warị mẹ ḅẹ kobiri yọ la ḅụ Erọnị na, ori owiapụ-awọmẹ na anị tọnjị ḅa, tẹ ḅoḅiri ḅụ anị ḍikiḍiki ḅo dede-ḅio la ḅa KỊNỊNYANAḄỌ ḅe tọrọkọ ḅụ. Anị kẹẹ korotẹ kịnị kẹ elekima sụa gbamaso ḅarị oloko sọ ḅa Izirẹlịapụ ma ḅụụ ḅụ mu ịna ḅụ ḅụọ-fa-ḅụọ-paka la ḅa.”