Popular Bible Verses from Fịrịmẹnjịapụ 4

Share

“Ọ̀ ḅụụ ḅụ kịngẹ mie ḅọrọma simearị, bebe tomikiri mẹ ḅụ inetẹ wa ḅọrọma ḅẹ tẹ Tamụnọ kẹ tomi pịrị jụmọ ofori.”

Ini ọkọ kẹ tẹkẹ fama tẹso, in kobiri sime anga mẹ nwẹnị jike. Fịafịa Tẹmẹ ḅe nwẹnị ịna aḅụụ ḅio sọ ḅin tẹ ịn nwẹnị saakị ḅiokpọ ḅara kẹ Tamụnọ ẹkwẹn kọn.

Mịọkụ, KỊNỊNYANAḄỌ, ịn kẹ wa ẹrẹmarị aị ma ḍikii, tẹ minini wamịnị ị́ afịrịmẹnjịapụ ma pịrị tẹ wa ḅiokpọ mamgba ḅụ í oku mẹ ḍuko pakama.

Jizọsị ḅe anie Fịafịa Ḍiri mẹ ḅụụ ḅụ ye ḍuko ḅọ ḅee tẹ ḅẹẹm, “Ọmịnị warị nama apụ ma ḍiki-sima ḍụḅarị mẹ ḅo pịkị iḅitẹịn ye sọ tẹ.”

Juu-ḅẹ-apụ ma Sịẹ-Kobiri mẹ ḅo nimim mịnẹ Pita na Jọnị na, ḍiri ẹrị-a apụ tẹ ḅiokpọ tẹ gasị-gasịma ye ḍukoarị ye mẹ nwẹnị ịna aḅụụ buama, tẹ ịn nwẹnị lekiri mịnẹ in Jizọsị na mẹnjị simem.

Jizọsị minini apụ ogbo mẹ gbọrụ kuroma na gbọrụ ḅioḅẹngbọ na nyanam. Gbọrụḅọ-sọ ḅẹẹ-a mịnẹ mḅọ nyana aị ḅụ sime mḅọ ngẹrị pịrị ye emi. Kụma inimgba ịn nyana ye goyegoye ḍiyam.