1
Aniroomi 12:2
IWE ỌNỊNỊ
EBTP
Asị ụ rẹ̀ mẹ̀ ebira ana anẹhẹẹ̄ kẹnẹ mẹ nịnị! Ama navọ Ohomorihi ọ̀ vara ayị awụ nịnị ọwọọwa saka-saka! Ịjọnọọ ụ va zụụ yẹ ịsa oni Ohomorihi sì nịnị nị, ọnọọ vị ka ịsa ene zoza, di o zé Ohomorihi eyi, dị ọ rẹ gụ.
Compare
Explore Aniroomi 12:2
2
Aniroomi 12:1
Ẹwụ nịnị ẹyịnyara amị, aarịhịnị, maa sị ayamva Ohomorihii dá ịpẹẹ wụ nịnị ẹtẹẹtẹrẹ. Navọ wa sị avaba ẹngụ awụ nịnị yị Ohomorihi anka ịsa ịsọvọ ana yára, dị ọ vị ọnịnịn, di o re zé Ohomorihi eyi! Ọnọọ ọ vị ahẹkẹ Ohomorihi obooro anaa vọrọ ka waa mẹ nịnị nị.
Explore Aniroomi 12:1
3
Aniroomi 12:12
Agụvị ka wâ nyị ọyịtureyi nịnị, waa jẹ nịnị. Wàa daka aa rị ụya nịnị, re ka wâ nyị ọyịtureyi nịnị, waa jẹ nịnị! Wàa daka aa rị ụya nịnị, re ka wâ nyị isuuru nịnị, dụ wa yịị mẹ̀ aduwa nịnị!
Explore Aniroomi 12:12
4
Aniroomi 12:21
Asị ụ zẹẹ ka ịsa odivi ọ̀ nyị ẹbẹẹba awụ nịnị; ama ẹwụ nịnị ọ̀ sị ịsa ozoza nyị ehuna ịsa odivi nịnị!
Explore Aniroomi 12:21
5
Aniroomi 12:10
Wee sì ịrẹyị ẹngụ nịnị ẹtẹẹtẹrẹ, anka ẹyịnyara ini Ikirisiti meē sì ịrẹyị ẹngụ avọọ. Waa sị ụbanyịị yị ọnọhụva awụ huna ẹngụ awụ ụvọta.
Explore Aniroomi 12:10
6
Aniroomi 12:9
Ayị ọnya a vọrọ ka ye sii sì ịrẹyị ọza nị. Waa nyị ịhyẹrẹ ịsa edivi, dụ wa sị ụvọ za ịsa ọyịza.
Explore Aniroomi 12:9
7
Aniroomi 12:18
Ẹwà sị vụrị di u we re ka waa sị ẹngwọọrọ pe avaba azaa mẹ nịnị!
Explore Aniroomi 12:18
8
Aniroomi 12:19
Ẹwụ nịnị ẹyịnyara amị, asị u sí atọ ịrẹyị ẹngụ awụ nịnị, oo! Ama naavọ yị Ohomorihi, di ò sí ọọ, agụvị ka â vịdị chẹrẹẹ ka Ohomorihi Ananyị yị ka, “Emeē sí atọ nị, mi vee sí atọọ varẹma.”
Explore Aniroomi 12:19
9
Aniroomi 12:11
Waa mẹ̀ ụkọrọ nịnị, asị ụ nyị uworo nịnị. Sị ayị ọnya dụ wa sịị hẹkẹ Ananyị yị nịnị.
Explore Aniroomi 12:11
10
Aniroomi 12:3
Ohomorihi ộ vayị amị ẹtẹẹtẹrẹ, agụvị avọọ maa kà a yị avaba awụ nịnị ka: Asị a nyị ọza ene ne re ẹngụ anị huna ọpa ọnọọ vị ịnị awụ nịnị! Ama ọzọza ọ̀ sị ụvọ za ẹngụ anị ịnị ẹngụ ịrẹyị oni u wèe ro nịnị! Anka Óhomorihi ọ̀ọ mẹ̀ sị ụkata yị ọzọza ka ọ̀ dọ wụ́, ọzọza ọ̀ vavọọ yẹ ẹngụ anị!
Explore Aniroomi 12:3
11
Aniroomi 12:17
Ọza ọ̀ọ mẹ wụ nịnị ịsa odivi, asị u sị odivi sí ọọ atọ nịnị! Waa mẹ avaba ịsa ana aza dọ ka hịịn, ịzẹyịza yọ nị!
Explore Aniroomi 12:17
12
Aniroomi 12:16
Sị ayị yị ẹngụ nịnị. Asị ụ sị ẹngụ awụ nịnị tụ́ ẹba. Và eyi nẹtẹ, dị ẹwụrị onosiye nịnị ẹ̀ẹ za ọta. Asị u ne roo ka wâ da yẹ ịrẹyị nịnị kẹnẹ.
Explore Aniroomi 12:16
13
Aniroomi 12:20
Agụvị avọọ, ụngwẹ àaa kụ̀ ọnịvị awụ, dà ịsa yọ! Enyi àaa kụ̀ ọọ, ká enyi yọ hú. Wàa vavọọ aa mẹẹ, ụ vaa mẹ ka ụhị ọ̀ọ nyị ọọ.
Explore Aniroomi 12:20
14
Aniroomi 12:14-15
Waa mẹ̀ aduwaa yị aza ana aa sị ụyaa rị wụ nịnị. Mị ka waa mẹ̀ aduwaa yị wa, asị u chì hi wa nịnị. Aza ana àaa jẹ, wee pe waa jẹ nịnị! Aza ana àaa raa jị òrèrè, we ree pe waa jị òrèrè nịnị.
Explore Aniroomi 12:14-15
15
Aniroomi 12:13
Ẹwụrị aza Ohomorihi è duduu gà ịsụ wàa nyị nịnị, dụ wee sì ọzọga nịnị.
Explore Aniroomi 12:13
16
Aniroomi 12:4-5
Wâ yẹ nịnị ka ẹngụ ọza vị ọnya; ama ọ va nyị ọchẹngụ irenyi-renyi. Ọchẹngụ ọnya-ọnya ộ nyị ụkọrọ anị. Avọọ gẹdẹ-gẹdẹ ẹ́yị mẹ̀ rẹ yà nị. Yâ rụrụ ịzẹyịza, ama ẹngụ ikonya ị vị nị, agụvị ka ẹyịrị Ikirisiti ọ sị vị ọnya. Avaba ayị vị ana gẹ ẹngụ, anka avaba ọchẹngụ ọza mẹ̀ gẹ ẹngụ avọọ.
Explore Aniroomi 12:4-5
Home
Bible
Plans
Videos