Popular Bible Verses from Ẹtore 7

Share

Ị́rẹma ẹnẹẹ, dị mị rẹ kana eyi, di mi re ọkọnị aza ọnị ọza ọ̀ yị zụ za ịrịka nị. Ẹnịnị vị ana hụrẹ avaba ẹkụra ịnị ẹhẹ saka-saka ana aa kà ẹkụra irenyi-irenyi vẹ, dị ẹ jẹẹ ọvịdị aga ohinọyị ọnọọ, ọnịrị ọvịdị Ozi Atẹmẹ nị. Ẹnịnị vi ene chire awuru ọvwọọvụ, dị ẹ sị avị ụda rị ụvọ nị.

Di e nowu tụ́ ẹba, dị ẹ ka: Ohomorihi ayị ana yaayịtẹ ịrẹsụ aga ohinọyị ọnịrị Ozi atẹmẹ ọọ̄ dọ ọza ha nị.

Agụvị ka Ozi Atẹmẹ ana yà ọvịdị aga ohinọyị vaa tẹsị ẹnịnị anka oseratẹmẹ. Dị aa kụ́ waa nọ aha ene enyi ẹtẹ anaā mẹ ka ọza ọ̀ yàra pooro zịna-zịna yà. Ohomorihi vee nyee avaba ẹgọọ hụụnị eyi ẹnịnị.

Agụvị avọọ, ẹ́nịnị va yà ọvịdị aga Ohomorihi ohinọyị, dị ẹyaa hẹkẹ ẹ ọọdụ ọnịrị ịrahụ ini eehi anị nị. Ọza ana yaayịtẹ ịnị aga ohinọyị ọnọọ vaa yàa pe wa. Ụngwẹ ọnịrị onyi ọ mā vana kụ̀ wa pooro; Ọyị ọ mā vana ngụra za wa pooro.

Dị ọ ka: Asị e du ẹhẹ ọnịrị oku beri ọchị nịnị ha pooro dị ẹnị ẹ̀ mẹ apọtẹrẹwa tụ́ ini ibe ezi ahụ Ohomorihi ẹnịnị. Â kà a mị ịrịka aza ana mẹ apọtẹrẹwa tụ́ ibe. Ẹnịnị vị ana hụrẹ ovwoovu Anisirẹrị vẹ, dị ẹ vị akawụ-akawụ oze ẹtarẹwụ tụra ẹẹva (144,000).