Dị anggẹẹrị ọhụta saasa wa, dị ọnị ree nowuu kà a ka, “Ọza ana àa hẹkẹ uye ịnị avị ọnọọ ọnịrị ori anị, dị ọ rẹ dọ apọtẹrẹwa tụ́ ini ibe anị, àa vị ịnị ụvọ anị nị, ọ vaa yẹ ọyịkụ Ohomorihi. Ọyịkụ anị ọnọọ vị ana sị mẹẹ anka ẹchịpa ohuru-ohuru avọọ, ọnọọ ká tụ́ ini ako ọyịkụ anị ana aza ẹnẹẹ vee hú. Dị ẹ yaa rị ụya ịnị ịra anaa sị ohuru tụ́ éyi anggẹẹrị ọnịnị nịnị ọnịrị Ozi Atẹmẹ ọnọọ. Dị areyi ịra ana aa sị ụyaa rị wa, aa vàa hịrẹ pooro zịna-zịna. Aza ana àa hẹkẹ uye ọnọọ ọnịrị ori anị dị ẹ rẹ dọ apọtẹrẹwa ịrẹha anị nị, ẹ mā vana tụ́ ụhwọ́ pooro ọọdụ ọnịrị ịrahụ.”