Popular Bible Verses from Ẹtore 11

Share

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ayị anẹkụra nịnị aa dà ọva, ọyịkụ awụ ộ vẹ. O si tù ka à mẹ̀ ọkarẹyị yị oku nịnị, dị ụ wa sị ọgụ yị ezi ahụ awụ ọnịsẹ nịnị ọnịrị aza awụ beri aza ana nyị angwahi awụ, ẹ̀ẹ vị ozweyi, ẹ̀ẹ vị ọzọkụ. Ama aza ene vịdị ee du ẹhẹẹ ha, di u vu wa ẹtẹ.

Ohomorihi ka Ọnị vaa tụ́ ọnịsẹ anị ẹẹva, dị ẹ sị ịta arụwẹ kú ẹngụ, dị ẹ kà ịsẹ mẹ ẹkụhị akahị tụra ịrẹka ộ tụra ẹbẹẹta ẹnẹẹ (1,260).

Ịjị ẹkụhị ẹẹta rị ẹjịjị sị mẹ kwooze, dị Ohomorihi tụ́ ụhwẹ ana aa mẹ ka ọza ọ̀ yàra, ngụ ịnịnẹ oku ẹnẹẹ nị. Dị ẹ sị ahụ ẹnịnị kwẹẹtẹ jẹẹ nị. Angwa ô hi aza ene re e ẹtẹẹtẹrẹ.

Ệ nyị ụkata ẹnẹ zụ sị za orihi jẹẹ ka asị ọ zụ̀ ịnị ụmẹ ẹnẹ ẹyaa kà ịsẹ. Ẹ rẹ nyị ụkata ẹnẹ zụ sị vara enyi nịnị anya. Ẹ rẹ zụ kụ́ ụkụ irenyi-irenyi vẹ ịnị ẹhẹ, ụpẹ ịrịka yà ene èe sì kẹnẹ.

Onivenu ẹẹva ẹnẹẹ ẹ vị ọchị orivi ẹẹva ọnịrị aha ẹẹva ana aā sị ozotupaa tụ́, ana jẹẹ ọvịdị Ohomorihi ana nyị avaba ẹhẹ nị. Àa nyị ọza ene sì ka ọnị ọ̀ mẹ ịrẹyị, dị ịra jịnẹ hụụnị irenu ẹnịnị vẹ, dị ọ wụ ọnịvị ẹnịnị ẹnẹẹ. Aza ene èe sì ka ẹnị ẹ̀ mẹ wa ịrẹyị, vị a vaa wụ̀ wa nị.