Popular Bible Verses from Inehemaya 1

Share

Ịjị Inehemaya maanị wụ́ ịrẹyị ọnọnị, dị ẹngụ anị sị va hi, dị ọ yaayịtẹ aa jị òrèrè nị. Agụvị ka ịrẹyị ọnọọ ộ zị ọ ẹngụ, ộ yaatụ mẹ ẹkụhị ọrụrụ-ọrụrụ ệ yị rị ịsa, dị aa da ịpẹ yị Ohomorihi ana nyị ẹbẹẹba nị.

Dị ọ ka: Tee! Ẹnẹyịmavara, Ohomorihi ana nyị ẹbẹẹba, Nda ana nyị ụbanyị, ọnị ọzọza ee hí angwa anị. Ọnịrẹyịzẹyịza ana aā mẹ̀ ịsa ọnị ọ ka yi aza ene sì ịrẹyị anị dị aa saasa ọda anị. Ọ kà ọ̀ navọ ọ̀ wụ́ aduwa anị. Ò re ọnị maa mẹ̀ aduwa ọọdụ ọnịrị ịrahụ agụvị Anisirẹrị ana vị ezi ahụ anị. Inehemaya kà ọnị ọ dọ irenu ka Anisirẹrị nịnị ẹ raà mẹ̀ ebira odivi hi Ohomorihi. Ọ kà ọnịrị ohiku ẹnịnị ệ raà mẹ divi.

Ọ kà ọ̀ navọ ọ̀ wụ́ aduwa anị. Ò re ọnị maa mẹ̀ aduwa ọọdụ ọnịrị ịrahụ agụvị Anisirẹrị ana vị ezi ahụ anị. Inehemaya kà ọnị ọ dọ irenu ka Anisirẹrị nịnị ẹ raà mẹ̀ ebira odivi hi Ohomorihi. Ọ kà ọnịrị ohiku ẹnịnị ệ raà mẹ divi.

Ẹnị ẹ raà mẹ̀ ebira kẹnẹ-kẹnẹ hi Ohomorihi. Ẹnị ẹ yị saasa ọda ọnị ọ sị tụ Imosiisi ozi ahụ anị hi ẹnị. Ama ọ̀ tamayị ịrẹyị ọnị ọ kà tịtẹ yị Imosiisi ana vị ozi ahụ anị. Ẹnẹyịmavara ộ kà a ka ọnị vaa gara wa hi avaba ẹhẹ ẹnịnị ẹ̀ẹ mẹ̀ akamawụ hi ọnị. Ama ẹnịnị èe ro ịnẹ varẹma, dị ẹ saasa ọda anị nị, ẹ̀ẹ daka che hi ozi, ọnị vaa kụ wa varẹma vẹ ịzị ọnị nyị yị wa ịzị aza ẹ yị vee hi ayị ịrẹha anị pooro.