Popular Bible Verses from Ijoovu 2

Share

Ịjị ose Ijoovu maanị re ọva anị, dị ọ ka, ịzẹyịza ịsị ọ nyị ọnị kụkụ aa mẹ. Ọ vana dahi ka ọ kụ Ohomorihi ụhụ dị o su. Ama dị Ijoovu tụ ose anị ohi, dị ka asị ọ rẹ ka ịrẹyị anka ọnyẹnẹẹ ẹnẹ yị yẹ ịrẹyị avọọ. Ohomorihi ana sị ọyịza yị ọza ọ rẹ sị odivi vaka vẹ. Ịnị avaba ịsa ene tu Ijoovu, ọ́ yị rẹ va ka ọhịmị Ohomorihi vụrụ-vụrụ.

Dị Ẹnẹyịmavara tenyi Echu họ̀ ka, ịsị o re ịnị ịrẹyị Ijoovu ana vị ozi ahụ anị kẹ? Ọ kà ẹ yị nyị ọza ana sị ayị tụra ọnị, dị ọọ̄ mẹ̀ ọyịza anka Ijoovu ịrẹsụ ẹtẹ. Ijoovu ọ hí angwa anị, dị ọ yị mā ebira odivi nị. Ọ yị jesi ayị anị Echu mẹ daka mẹ̀ ọnị ka ọnị ọ kụ ẹngụkata tu ọ tụ ịnị osusu.

Dị Ẹnẹyịmavara kà ooho! Echu ọ na mẹ ọchẹngụ Ijoovu oo me zee eyi, ama asị ọ dọ ụhwẹ.

Ijoovu ọ̀ nyị ọta ẹẹta ẹnị ịrẹha ẹnịnị rị Erihwazi ana vị Anitemani ọnịrị Ibiridadi ana vi Anisuhi ne beri Izohwa ana vi Aninaama. Ịjị ọnị ẹnịnị wụ́ ịrẹyị ene tu Ijoovu, ẹnịnị ê gẹ eyi ka ẹnị ẹ̀ va kụ ọ, dị ẹnị ẹ̀ sị ayị nẹtẹ. Ịjị ẹnịnị re e hụrẹ aha ẹnẹẹnẹ ka ọ sị vara, dị ẹ va orere hi nị. Dị ẹ yaa jị òrèrè booro-booro nị. Dị ẹ na awuru ẹnịnị hi ẹngụ dị ẹ kụ edudu ku ịrẹsụ ẹnịnị, dị ẹ va ẹngụ hi nị. Dị ẹ yaatẹ ịnị eteesu pe Ijoovu ọọdụ ọnịrị ịrahụ ẹkụhị ịhịmba nị. Avaba ẹnịnị vị ene hi ẹtẹ ee re kẹnẹ agụvị ụya ọngwọọngụ ana a rị.