Popular Bible Verses from Ijeremaya 17

Share

Ọ kà, ama, ọnị vaa mẹ ka ò zé yị ọza anaa sị ayị tụra ọnị. Ẹngụ ọza ọnọọ vị ene vee hunẹnẹ anka ọchị ene e chire tụ ụtọ okuha dị ọ hà ẹpa na ngụ ịnị enyi avọọ. Ô me hí angwa ka ẹtẹ ọngụra aaa vẹ, agụvị ka avị anị vanaa yịị vị ohwoohu. Ọ́ ma hụrị ayịnẹ ụmẹ ọnị ọyị ọọ jị, agụvị ka vị aa yịị tụ́ ẹtụtụ nị.

Ẹnẹyịmavara kà, ẹnẹ zụ yẹ́ ayị ọza kẹ? Ẹ́ yị nyị ịsị ee vene ọza anka ayị ọza; oo divi ẹtẹẹtẹrẹ ana ahịka ọza ẹ yị zụ tenyi ọ.

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Ẹnẹyịmavara kà, ẹ́ yị vee zozaa yị aza ana và ịrẹma anị dị ẹ kụkụ sị ayị tụra ọzarẹyịrẹsụ ọnịrị ụkata ọza. Ẹngụ aza ẹnẹẹ vana sị mẹẹ anka avị ana chị tụ ịnị ẹtẹ ọpaapara avọọ. Vị ọ́ sị mẹ anka avị ana yà ịnị ụnọmị avọọ nị. Ẹ́ yị nyị ịsị ọyịza ọnị oo ree sị ụvọọ za.

Ijeremaya ka, Ẹnẹyịmavara ọ̀ mẹ̀ ọnị ụkụ, ka ẹngụ anị vaa nịya saka-saka. Ọ̀ ka Ẹnẹyịmavara ọ̀ dọ ọnị tụ, dị asị á nyị ịsị ẹ mẹ̀ ọnị vụrụ-vụrụ. Ẹnẹyịmavara, ẹwụ ọnị aa sị ụgaa yị nị.