Popular Bible Verses from Ọdọvịdị 6

Share

Ịzọọ anggẹẹrị ya sị ẹngụ zụ ọ, dị ọ pe Igidiyọnị ka ịrẹyị nị, ọ kà Ẹnẹyịmavara ya pe e wu, ọkụrẹkụ ọbanyị.

Dị Ẹnẹyịmavara ọnị ụvọta kà Igidiyọnị vaa nyị ụkata, agụvị avọọ ọnị aa gụ ọ ụvọ, dị ọnị sị ụkata yọ ka ọ sị dọ Anisirẹrị nịnị ha hụụnị ụvọ Animidiya.

Dị Ẹnẹyịmavara kà a yị Igidiyọnị ka ọ zụ mẹ̀ ẹ agụvị ka ọnị vaa gụ ọ ụvọ. O vee huna Animidiya nịnị anka ọza rere ee tu ọza ịnya avọọ nị.

Dị Igidiyọnị kà, Aarịhịnị àa zẹ ka ọnị họ̀ use ịrẹyị, Nda, Ẹnẹyịmavara ọ̀ọ ya pe ẹnị, sị ẹ vẹ dị avaba odivi ẹnẹnị ee tụ́ ẹnị? Ịzị ohyozirenu ọnị ohiku ẹnịnị pa ịta ka Ẹnẹyịmavara ộ mẹ̀ ọnị ọ kụ wa hụrẹ Ijipiti ya? Ẹnẹyịmavara ọ raà va ịrẹma ẹnịnị, dị ọ hụrẹ ẹnị ụvọ yị Animidiya.

Igidiyọnị tụ ọ ohi, dị ọ kà, “Ọga, Mmẹ mẹ zụ dọ Anisirẹrị nịnị ha? Ịrẹsụ amị ọ vị ọkụmị hu ịnị ẹtẹ Ịmanasẹ, ẹma rẹ va nẹtẹ hu kere-kere ịnị ovwoovu amị nị.”

Ẹkụhị ọnya, dị anggẹẹrị Ẹnẹyịmavara na yaatụ iruvo ọchị ooki ana ya ohwira. Ijowasi ana vị Anabiyeza ộ nyị ọchị ọnọọ nị. Ozi anị Igidiyọnị ô were-were ee tụ́ ihwiti ịnị ụkọ, agụvị asị Animidiya re e.

Dị Igidiyọnị hì ụta tụ ịzọọ yị Ẹnẹyịmavara, dị ọ hị́ ọ Ẹnẹyịmavara Ẹngwọọrọ.

Igidiyọnị ô va ohi ka, Ẹnẹyịmavara ọ̀ọ nyị ọnị iyi, ọ sị apọtẹrẹwa zụ ọnị ka ọnị ọ vị Ẹnẹyịmavara nị.

Ama dị Ẹnẹyịmavara tụ ọ ohi ka ọ sị ayị nẹtẹ, asị o hí angwa ka o yi vee su.

Anisirẹrị nịnị ệ mẹ̀ ebira odivi hi Ẹnẹyịmavara, dị ọ hụrẹ wa ụvọ yị Animidiya ịrayị ịhịmba nị.