Popular Bible Verses from Ayịsaya 9

Share

A sị ozi ọnya ma yị! A raà sị ozi ọnọrụ ọnya yị! Ozi ọnọọ ọ vaa nyị ịjọva nị. A vaa hị́ ọ Ohyozirenu, Ọpọzajuwe, Ohomorihi Ochẹtẹẹngụ, Ada ana yà ịzọọ pooro zịna-zịna, Ohinọyị ẹngwọọrọ.

Aza ene hi ịnị ịrahụ e reè ẹtohweyi ọbanyị ọnya. Ẹtẹ ene vịdị hozi kara wa ama ẹ sị ẹtohweyi re.

Ụkata Ịjọva anị vị ana vaa hịrẹ ūna hu avọọ, Ẹngwọọrọ ọnị ọ vaa sị vẹ ọ ma vana ta pàá zịna-zịna. Ọnị ọ vaa vị ohinọyị dọ Idevidi ịrẹsụ nị. Ịzẹyịza ọnịrị ebira ana vọrọ ọ vaa sị sị ịjọva anịị jẹẹ pooro nị. Ẹnẹyịmavara Ochẹtẹẹngụ ọ sị ẹngụ tenyi ka avọọ ọnị maa mẹ̀ ẹ nị.

Adava oku isoja nịnị ana ngụ tu wa ọnịrị awuru anya-anya ẹnịnị vị ana vaa rị ịra vaa ha.

Aza ana aa rị ụya booro aanị, ẹ yị vị avọọ ẹnịnị mè vee hi ịnị ịrahụ pooro. Ịyẹẹyẹ Ohomorihi ộ vịdị za Anizeburuni ọnịrị Aninahwitari dị ọ tẹ wa nị. Ama ịnị ụmẹ ọdịrẹma, ọ vaa sị ụbanyịị yị anokokooro ọnọọ hụrẹ Òkū Imeditareniya na ngụ akẹnẹ Ijodani. Ụbanyị ọnọọ vee tù Igariri bẹẹ ịzị azọga ra hi.

Wa raà mẹ ka aza ẹnẹẹ ẹ̀ rụrụ, avọọ ụ mẹ̀ rẹ mẹ ka inohine ẹnịnị ọ̀ rẹ dẹngụ nị. Ayị ẹnịnị ô hine é mè re ịsị ụ mẹ̀, ẹ yaa jẹ anka aza ana aa kụ ịsa ọyịna ịnị aarẹ gụ avọọ. Ịnẹ ẹnịnị ee hine anka aza ana nyị ẹbẹẹba ịrẹkụ dị ẹ yaa gà ogu ẹnị ẹ kụ́ ózee eyi ịrẹkụ avọọ.

Aza ana vịdị aa mẹ ẹchakaa yị wa, wa kụ́ aza ẹnẹẹ gara ha. Wa raà tụ̀ ọkẹẹkẹrẹ ana a vịdị sị tụ́ wa, dị a sịị sị ụyaa rị wa. Wa raà nyị ẹbẹẹba anẹkụra ọnọọ ana mẹ̀ ẹvaya, dị ẹ yaa kụ ogu ẹnịnị Wâ mẹ ka ẹ̀ nyị ehuna anka a mẹ̀ nyị ehuna Animidiya ịyẹẹyẹ avọọ.