Popular Bible Verses from Ayịsaya 65

Share

Dị à va nyị ka ẹnịnị ẹẹ hị́ mị, mi vee tu wa ohi. Ẹ̀ẹ yaa kà ịrẹyị kẹnẹ, mị vaa wụ́.

Ẹnẹyịmavara kà: Maà vaa mẹ ẹbẹẹba ọnịrị ẹhẹ ọwọọwa. E vee hí ayị ịsa ana mẹ tụ ịrẹma saka-saka.

Ẹnịnị ẹ̀ẹ mẹ̀ ụkọrọ, ẹ yị vaa vị ọọhẹ. Ẹngụkata edivi ẹ yị vee tu ezi ẹnịnị. Mị vaa mẹ ka ò ze yị ezi ẹnịnị ọnịrị ezi ẹnẹ ẹ vanaa ma pooro.

Ẹnịnị ẹ yị vaa dà irehi, dị a hịka ọza ẹnẹsa ọ ra ịnị anị nị. Ẹnịnị e yi vee chire ịsa dị ọza ẹnẹsa ọ̀ rị ọ. Aza amị vi ene vee ku orubo anka ọchị mee ku orubo avọọ. Ịsa aza amị sị ụvọ ẹnịnị mẹ, vị ẹnẹ vaa rịị kù.

Ezinụvọ e yi me vene sú ini ozweyi. Avaba aza vaa mẹ ẹhẹ ẹnịnịị tu oruva. Aza ana àa vị ịrayị ẹchẹhị di e su nị, vị ana a vaa hị́ ezweyi. Ọza ẹnẹ ẹ̀ yị gụ ịrayị ẹchẹhị di o su nị, vị ana si zụ ka vị a sị ụya rị ọ nị.

Akatapooro ọnịrị ozi atẹmẹ vaa rị ịsaa vaabẹ, idu nịnị vaa rị avị anka ụnọ mẹ̀ẹ rị avị, dị ẹ́wụ́ nịnị kụkụ aa rị èzi. Ẹnịnị ẹ yị ma vana zama ọza, à vị ka ẹ̀ wụ̀ ọza. Ẹnẹyịmavara kà ẹ yị ma vana nyị ịsị ẹẹ zama ọza ịrẹsụ ataba ọnịnị amị.

Ayị ẹmị ụvọta vee hine agụvị Ijerusarẹmị, dị maa jẹ agụvị aza amị. Aza ẹ yị ma vana jị òrèrè ịzọọ; ọza ẹ yị me vene nowu ka à va gụ ẹnị ụvọ.