Popular Bible Verses from Ayịsaya 54

Share

Ama ẹ yị nyị ẹnya ịrẹkụ ana hụ vị awụ mẹ, ana vaa mẹ̀ ụkọrọ. Avaba ịrarẹ ana àa sị ịrẹyị awụ na tụ́ ịrẹka, vị ọnị ụ vaa kụụ hi ireche.” Ẹnẹyịmavara kà ịsa ọnị mẹ tịtẹ yị ezi ahụ anị yị, ọnị vaa mẹ ka ẹ̀ nyị ehuna.

Ataba ẹbanyị ọnịrị ataba eweyi e zụ wú va hi ẹtẹ, ama ẹmị vee sì ịrẹyị awụ pooro. Oto oni mi wo ka ụ vaa nyị ẹngwọọrọ vaa jẹẹ pooro. Ẹnẹyịmavara ene sì ịrẹyị awụ ọ kà avọọ nị.

À sị u hí angwa, agụvị ka ọza ẹ́ ma vana mẹ̀ ụhị nyị wụ. Àsị u hụrẹ ayịnẹ, agụvị ka ụhị ẹ́ ma vana nyị wụ. U vee hí ayị ụhị ana nyị wụ ịjị ọnị ụ vị ozweyi. Wẹ́ ma vana tamayị ụhị ana nyị wụ ịjị ọnị ụ vị ọnịịnya anka osoku avọọ.

Agụvị ka Ohomorihi ana mẹ wụ vị ana vaa sị mẹẹ anka ọ vaa yị wu. Ịrẹha anị ọ rị Ẹnẹyịmavara Ochẹtẹẹngụ nị, Ohomorihi Ọnịnị Ísirẹrị vaa dọ wụụ ha. Ọnị ọ vị Ohomorihi avaba ẹhẹ nị.

Dà ajẹngụ awụ gana hu avọọ. Tana ịta ọnị ụ sị jị oze irehi awụ. Dà obo awụ gọdọ, dị u we hi ọchị ọnị ụ sụ́ obo ajẹngụ za katẹngụ.

Ẹmị ụvọta vaa zụ̀ ezi ewu ịsa. Mị vaa mẹ ka ò ze yị wa ẹtẹẹtẹrẹ, dị mị sị ẹngwọọrọ yị wa.

Ayị ộ kụ́ mị, dị mị navọ ụ tịtẹ ụmẹ chee nị, ama mị vaa sị zụ̀ wụ m mẹmẹ sì ịrẹyị awụ pooro. Ẹnẹyịmavara ana dọ wụ ha, ọ kà avọọ nị.

Mâ hụrẹ ụvọ ụmẹ chee, ama agụvị ka mê sì ịrẹyị ẹnẹmẹhị, mị vaa sị ụụ varẹma.

Vị́ ịrẹyị ọnọnị sị mẹẹ yị mị anka ụmẹ Inowa avọọ nị. Mâ hị́ eku ka mẹ ma vana sị enyi kụ́ ẹhẹ anka ụmẹ Inowa, avọọ m mẹ rẹ hị́ eku ka mẹ ma vana kụ́ ayị hi wu nị. Mẹ ma rẹ vana maanị tụ́ wụ ohuvọ.

Mị vaa sị ịrẹta ọkatarihi ana aā hi irubii dà irehi ọgọdọ tụ ịnị ịnẹ awụ. Ịrẹta anaā zá anka ịra avọọ mị vaa sị mẹ oze ọbanyị awụ nị, dị mị rẹ sị ịrẹta akàaka tụra avaba ọvọ awụ.