Popular Bible Verses from Ayịsaya 42

Share

“Ẹmị Ẹnẹyịmavara ọ hị́ wụ, dị mị sị ụkata wụ nị, dị me re ka aza aa mẹ̀ ịsa ana vọrọ ịnị ẹhẹ. Oze ịnị ịpa awụ mi vee wo otoo yị avaba aza nị. Oze ịnị ịpa awụ mị vaa zịị sị ẹtohweyi vaa yị anẹhẹ nịnị nị. Ụ vaa há ogweyi nịnị eyi, Ụ vaa kụ aza ana yaatẹ ịnị etohozi ịnị ẹngwa hi ẹhẹ.

Ẹma vị Ẹnẹyịmavara nị, ịrẹha amị ọ rị avọọ nị; Mẹ yị vaa sị igirima amịị yị ọza ẹnẹsa, Mẹ yị vaa sị ụga amị yị ori ọnyọọnyị.

Ẹnẹyịmavara kà; “Ozi ahụ amị yị, Ẹma sị ụkata yọ nị. Ma sị ọ nyị̀, ayị amị ô hine tù ọ. Ma raà sị ụhwẹ amịị yọ; Ọ vaa mẹ̀ ebira ana vọrọọ hi avaba anẹhẹ.

E yi vee che ịkẹ ana da gẹnẹ, e yi re vee mí ịrakotupa enee vee mí. Ọ vaa sị ịzẹyịzaa mẹ̀ ịsa ana vọrọ hi avaba aza. Ẹ yị vaa tụ ọ, ẹ yị vee du ọ eyi; Ọ vaa mẹ̀ ka à kụkụụ mẹ̀ ịsa ana vọrọ ịnị ẹhẹ, dị anẹkụra ọsa nịnị kukuu ee zi ka ọ̀ va zụ ẹnị ịsa.”

Ọ kà, ọnị vaa sị ụvọọ gẹ aza anị ene gù eyi vaa tụra oze ẹnẹ ẹnịnị ẹ̀ yị vịdị zị da. Ọnị vaa vara etohozi ẹnịnị ẹtohweyi. Ọnị vaa swa ẹtẹ ana yà boga-boga yị wa. Ịsa ẹnẹnị ọnị wo oto anị ka ọnị vaa mẹ̀ nị. Ẹ yị nyị ka ọnị ẹ yị mẹ̀ ẹ.

Re, ịsa ẹnị mị vịdị kà a ka ẹ vaa mẹ, ẹ́ va sị mẹ parahu. Ọyaanị, mị vaa kà ịsa ọwọọwaa tịtẹ dị ẹ̀ va mẹ.”