Popular Bible Verses from Ịrẹyị Ọzwọzịsa 7

Share

Asị ụ rẹ hụra kụ ayị, agụvị ka ọnụra kẹnẹ ọọ hụraa kụ ayị nị.

Ẹhẹ ee zozaa wụ waa jẹ, òo ve divi ụ rò ịrẹyị. Ohomorihi ọ mẹ ẹnị ẹyịva nị, avọọ, ẹnẹ ka ọnị ọọ yẹ anaa vẹ ụhwọọ?

Ẹzẹtẹ ịrẹyị ọ nyị ụbanyị huni oyi nyima anị nị. Avọọ usuuru ọyị nyị me zoza huni ka ọza ọọ sị ẹngụ tụ ẹba nị.

Ẹ yị nyị ọza ọyịza ịnị ẹhẹ ọnọnị ana mẹ ọyịza pooro dị asị ọ mẹ odivi ẹkụhị ọnya.

Ịrẹyọyẹ ọ zụ sere ọza anka ọza mẹẹ sị ẹkẹhị sere ẹngụ anị. Aha ana yà ịnị ka ọza ọ̀ yẹ ịrẹyị ọ vị ka, ọ vaa dọ ọzaa ha hụụnị ẹngụkata nị.

Ọza ọ rị ịrẹha ọyịza o zoza huna agụ eturare ene zoza nị. Ẹkụhị ọnị ọza sị su o zoza huni ẹkụhị ana a sị ma a nị.

Aza ana yẹ ịrẹyị ẹ̀ẹ tụ ọza ohuvọ o zoza hu ka ọnụra nịnị ẹẹ jị ahẹ gono ọza nị.

Ọza ọ̀ọ nọ ịzị a yaa zị ẹngụ ọza ene su ọ zoza hu ka ọ nọ ịzị a yaa aa rị eche nị; ọza ana yara ọ tamayị ka ẹkụhị aa vẹ ọnị ọzọza vee su.

Ọyẹrẹyị oō ro o ka ọzaa su nị, onututu vị eneē rọ ịrẹyị ẹngwọmẹ pooro kẹnẹ.