Popular Bible Verses from Ọda 5

Share

Sị ụbanyị yị ọnyị awụ ọnịrị ada awụ anka Ẹnẹyịmavara ana vị Ohomorihi awụ agụvị dị we zụ kú orubo, dị o zee yị wụ ịnị ẹtẹ ọnị Ẹnẹyịmavara ana vị Ohomorihi sịị yị wụ.

Saasa avaba ọda ọnị Ẹnẹyịmavara ana vị Ohomorihi awụ mẹ agụvị dị oze yị wụ, dị waa kú orubo ịnị ẹtẹ ọnị Ẹnẹyịmavara ana vị Ohomorihi awụ vaa sị yị wụ.

ẹ̀ yị mẹ̀ ori agụvị ka Ẹnẹyịmavara ana vị Ohomorihi ẹnịnị vị anaā kụ́ ụhị, Ọza àa nyị anaa maanị mẹ̀ ebira ọnọnị vị ọnị vaa sị ụya anịị rị ọ ne beri ezi ịrẹma-ịrẹma anị nị. Ama ọza ene èe sì ịrẹyị anị, dị ọ sị ụvọ za ọda anị nị, ọnị re vee sì ịrẹyị ọza ọnọọ ọnịrị ezi ana vana a hụrẹ ịpa anịị vẹ pooro-pooro.

Asị ẹ na bẹ ịsa ene vene ịsa ọnyọọnyị ana yà ẹbẹẹba, a vị ịsa ana ya uruvo ẹtẹ, àa vị ịnị ẹnyị

Ẹnịnị ẹ yị nyayịnẹ mẹ ori ọnyọọnyị.

Ẹnịnị ẹ̀ yị nyayịnẹ sị ịrẹha Ẹnẹyịmavara ana vị Ohomorihi ẹnịnị hị́ eku ireche, Ẹnẹyịmavara kà a yẹ ka ọza ọnọọ ọọ rị.

Dị Ẹnẹyịmavara kà, àa vị ịzẹyịza ẹnịnị hí angwa anị, dị ẹ saasa avaba ọda anị nị, o vee zee yị wa ọnịrị evere anị pooro-pooro zịna-zịna nị.

Ẹ za ido ẹkụhị ụhwọtụ, Ẹnẹyịmavara ana vị Ohomorihi ẹnịnị ọ̀ mẹ ọda ọnọnị yị wa nị.

Asị ụ mẹ eyọhụrẹ dị waa dọ ose ọza nyị. Asị ụ mẹ eyọhụrẹ hi irehi ọza, aa vị aarẹ ọza. Asị ụ mẹ eyọhụrẹ hi ozi ahụ ọnọrụ àa vị ọnẹẹ ọza. Asị ụ mẹ eyọhụrẹ hi imaaru, àa vị ịkẹrịkẹtẹ. Asị ụ mẹ eyọhụrẹ hi ịsa tụra ịsa ọnị ọza ọ̀ọ nyị.

Wẹ yị nyayịnẹ sè ịrẹka.

Wẹ yị nyayịnẹ dọ ivenu ireche kú ọza.

Wẹ yị nyayịnẹ wụ̀ ọza

Wẹ yị nyayịnẹ yị oyi

Tamayị ka ọrịhị ụ vịdị vị ịnị Ijipiti nịnị, dị Ẹnẹyịmavara Ohomorihi vaa sị ụkata anị tụ jịnẹ tụ́ ẹhẹ hụrị ịzọọ; avọọ Ẹnẹyịmavara mẹ ọda ka aa sị ẹkụhị ọnọọ hẹkẹ ọnị nị.

Ịnị akakana ẹkụhị ịhịnọnyị mẹ avaba ụkọrọ ọnị wàa nyị. Ịhị ẹ tụ́ ọ ẹkụhị ịhịmba vị ọnị Ẹnẹyịmavara nyị ka ọ̀ vị ẹkụhị ụhwọtụ, ịhị ọnọọ ọza ẹ yị nyayịnẹ mẹ̀ ụkọrọ ọnyọọnyị. Ẹwụ ụvọta ọ yị nyayịnẹ mẹ. Ozi ewu ọnọrụ àa vị ọnẹẹ ẹ yị nyayịnẹ mẹ̀ ụkọrọ ịhị ọnọọ. Ozi ahụ awụ ọnọrụ ọnịrị ọnẹẹ ne beri ụnọ awụ ne chire ịkẹrịkẹtẹ ọnịrị avaba ịsụpa awụ ẹ yị nyayịnẹ mẹ̀ ụkọrọ ịhị ọnọọ. Ezi ahụ awụ ọnịrị azọga ene hi ịda awụ ẹ yị nyayịnẹ mẹ̀ ụkọrọ ịhị ọnọọ.

Ẹnẹyịmavara kà ọnị ọ vị Ohomorihi ẹnịnị ana tù wa hụrẹ Ijipiti ịzị ẹ vịdị vị ọrịhị tụ́ nị.