Popular Bible Verses from Ịdanịyẹrị 9

Share

Ịdanịyẹrị ka ọnị ộ mẹ̀ aduwa, dị ọnị dọ irenu ịvị ẹnịnị yị Ẹnẹyịmavara ana vị Ohomorihi anị nị. Dị ọnị kà, Ohomorihi Ananyị yị, ọnị ộ banyị dị ọ rẹ nyị avaba ụbanyị nị. Ọnị ọ rẹ yị ma sị ahụ jịnẹ ịrẹyị ọnị ọnịrị ọza ka tịtẹ nị, ọza ene sì ịrẹyị anị dị aā mẹ̀ ịsa ọnị ọ mẹ ọda anị yọ vị ọnị o sị ịrẹyị anị pooro.

Ohomorihi, kwogwo, navọ wa wụ́ ọngwẹ ayị. Kana eyi di u we ré ụya ọnị yaa rị aanị. Ré ẹkụra anaā sịị ịrẹha awụ hị́. Yaà ta u ubo agụvị ka vị ụ vayị ọza nị, ẹ yị vị agụvị ka yaa mẹ̀ ịsa ana vọrọ. Ẹnẹyịmavara kwogwo, navọ wa wụ́ ọngwẹ ayị dị wa vagu yị. Ẹnẹyịmavara kwogwo, wụ́ ọngwẹ ayị dị wa hụvị ayị kwẹẹtẹ. Asị ụ kù ụvị dị aza ẹ̀ yẹ́ ka ẹwa vị Ohomorihi nị. Ẹwa nyị Ijerusarẹmị ọnịrị aza ene hi ịnị anị nị ọ.

Ọ kà ịjị ọnị maanị re e kẹnẹ, dị ọnị ệ ro ịrẹyị Ohomorihi Ananyị yị nị. Di oni nyima â mẹ̀ aduwa, dị ọnị â dá ịpẹẹ yọ nị. Ọ kà ọnị ệ yị rị ịsa, dị a hịka ịta kawụ-kawụ ọnya aanị kẹnẹ ọnị sị vụ, dị ọnị kụ atịtọ ku ịrẹsụ nị.

Dị ọnị rẹ kà, dị ẹnị daka yị sị ịvị mẹ hi Ananyị yị ana vị Ohomorihi ẹnịnị aanị, ọnị ọọ̄ vayị aza dị ọ rẹẹ̄ vagu aza nị.

Ọdọvịdị ọnọọ ọnịrị aza ọrụrụ-ọrụrụ vaa dọ yị ẹngụ ẹtẹẹtẹrẹ dị ọ mẹ ịrayị ịhịmba. Ịnị akakana ịrayị ọnọnị dị ẹ yị kụkụ zẹ̀ẹ ka àa mẹ̀ ịsọvọ hi Ohomorihi. Ẹ yị rẹ vaa zẹ̀ẹ ka àa sị ẹyịza ve ịnị irehi Ohomorihi bẹ ẹ. Ọ vaa sị ịsa eenyisi na jẹ ẹ ịnị ohurohuro irehi Ohomorihi pooro na ngụ ịjị Ohomorihi o vu ọza ana sị ọ jẹ ịzọọ ẹtẹ anka ọ mẹ vịdị mẹ̀ẹ ọda e zi ọ.