Popular Bible Verses from Ịdanịyẹrị 5

Share

Ọ kà ọ raà sị ẹngụ anị tụ ẹba huni Ananyị yị ana nyị ẹbẹẹba agụvị ka ộ kụ ako ọnịrị ẹnya ana a kụ hụụnị irehi Ohomorihi dị ọnịrị ọdọvịdị ẹkụra anị nịnị, ese anị beri onyeehi anị nịnị ee sii hú eche nị. Ako ọnịrị ẹnya ẹnẹnị ẹ yee sii hú eche dị ẹ yaa ka ẹngụrẹhaa ku ori ana a sị igooru ọnịrị isiriva beri enyusẹ ana vọ ọnịrị ọchị beri ịrẹta mẹ ẹngụ nị. Ori ene è yị re ẹtẹ, ẹ yị wụ́ ịrẹyị, di ẹ̀ yị hyakụ va yẹ ịsa ọnyọọnyị. Ama ẹ yị va sị ụbanyị yị Ohomorihi ana nyị ụhwẹ ana aza aa tụ́, dị ọ rẹ nyị ụkata avaba ịsa anaā mẹ.

Ịsa ana a chẹrẹ yị: IMENE, IMENE, ỊTẸKẸẸRỊ, ọnịrị ỊPẸRẸẸSỊ. Iruvo ịrẹyị ọnọnị yị. IMENE (za a ịrịka) ộ sị zụ ka Ohomorihi ọ raà za ẹkụhị ịjọva ohinọyị Iberisaza ịrịka, ọ raà zá a ẹtẹ. Iruvo ỊTẸKẸẸRỊ ọ vị ka, asị ohinọyị zama re ịnị ịngọ, ê re ka â gẹsẹ aanị, ẹ yị nyị ịsị ọ vị. ỊPẸRẸẸSỊ ọ vị ka Ohomorihi ọ sị ẹtẹ ọnị ohinọyị áa mẹ ịjọva anị gà yị Animeedi ọnịrị Anipesiya nịnị.