Popular Bible Verses from Ịdanịyẹrị 3

Share

Dị Isediraki, Imesaki ọnịrị Abedinego tụ́ ohi dị ẹ ka, taarụ! Ẹnị ẹ yị nyị òhi ọnyọọnyị ọyị tụ ịnị ịrẹyị ọnọọ. Àa hụ agụvị ịrẹyị ọnọnị kụ ẹnị va hi ịra, Ohomorihi ọnị ẹnị aa hẹkẹ vaa dọ ẹnịị tụ, agụvị ka ọ zụ dọ ẹnị ha hụrẹ ẹ ụvọ. Ọ rẹ zụ dọ ẹnị ha hụụnị ịra anaa za giri-giri bẹẹ. Ama Ohomorihi ẹ yị daka dọ ẹnị ha, ohinọyị ọ̀ yẹ ka ẹnị ẹ yị vaa hẹkẹ ori anị, ẹnị ẹ yị rẹ vaa vàa ku ẹtẹ yị uyi ọnị ọ sị igooru mẹ jẹẹ aanị.

Dị ọ rẹ họ̀ wa ka, sị ẹ vẹ dị ọnị vee ré ka aza ẹnị ẹẹna aa zị ụsẹ ịnị ịra nị? Ọ kà ịsa a sị sụ wa ọ sị ngwara, ẹ yị rẹ nyị ịsa ana sị zụ ka aa kata wa ẹngụ, dị ọnị ọhụna ẹnịnị sị mẹẹ anka anggẹẹrị avọọ nị.

Dị ohinọyị ka: À sị ụga yị Ohomorihi Isediraki, Imesaki ọnịrị Abedinego nị. Ọ kà, Ohomorihi ọ tụ anggẹẹrị anị dị ọ va dọ ezi ahụ anị anaa hẹkẹ ẹ, dị ẹ sị ayị tụra a ha nị. Ọ kà ẹnịnị ệ sị ahụ jịnẹ ọda anị, ka asị chọmọ ọnị ẹnị vaa vaku ẹtẹ dị ẹnị ẹ hẹkẹ ori anị, ẹnị ẹ dọ ka ẹnị e su.

Agụvị avọọ, dị ohinọyị mẹ ọda ka àa nyị ọza ọnyọọnyị ịrẹsụ ẹtẹ ana ka kẹnẹ-kẹnẹ hi Ohomorihi Isediraki, Imesaki ọnịrị Abedinego, vị a vaa wụ̀ ọ dị a jị irehi anị eburu nị. Ọ kà ẹ yị nyị ori ana maanị nyẹngụ dị ọza tụ.