Popular Bible Verses from 2 Ohinọyị 4

Share

Erisa ộ họ̀ ọ use ka: Si ee sì ka ọnị ọ̀ mẹ yị ọnị? Ọ̀ ka ọ kà a yị ọnị, ịsị ọ nyị tụ́ ini eehi anị? Dị ọnẹẹ ọnọnị tụ́ ohi ka, ẹnẹ vị ẹmị, ẹ yị nyị ịsị mị nyị tụ́ ini eehi, ẹ̀ yị vị angwẹ ijonggo ọnya kẹnẹ.

Ẹkụhị ọnya, osoku ịnya ịnị ọnịsẹ nịnị ô ve tu Erisa, dị aa jị òrèrè nị. Ọ kà, ọva anị ô wusu, dị Erisa yẹ ka ộ hí angwa Ẹnẹyịmavara ẹtẹẹtẹrẹ. Ama â nyị ọnọrụ ọnya ọnị ọva rị ụta ẹkẹhị. Ọza ọnọọ ộ vẹ ka ọnị aa vaa kụ ezi ọnọrụ anị ẹyịvaa sị́ ụta, dị ẹ̀ kụkụ na vị ọrịhị anị.

Dị Erisa kà a yọ ka, ọ̀ nọ ẹhẹ, dị ọ̀ na dọ ọnọhụva anị nịnị ịgarụwa osusu-osusu rere. Ò re ka ọnị ọọ dọ ọ rụrụ.

Ọ kà ọ̀ọ vavọọ sị ọ dọ, ọnịrị ezi anị ẹ̀ ngụ ini eehi, di ee gù oze. Èe sị oze gù, ọọ và angwẹẹ hi ịnị ịgarụwa ẹnẹẹ. Ene èe si hí, dị ọ̀ sị ọ tụ akaha.

Ịjị ịgarụwa ẹnẹẹ si hi, dị ọ hị́ ozi anị ka ọ̀ rẹ sị ọsa vẹ nị. Ama ozi anị ô tụ́ ọ ohi ka, ịgarụwa ệ ta. Ịjọnọọ dị angwẹ anaa và ọnị rẹ ta nị.

Ọnẹẹ ọnọnị ộ vẹ dị ọ va kà a yị ọza Ohomorihi nị, ọza Ohomorihi ọ́ kà a yọ ka, ọ̀ na ná angwẹ ọnọọ, dị ò sí ụta anị. Ana àa vọ, dị ọnịrị ezi anị ẹ̀ sị naa mẹ̀ ẹhẹ.

Ịzẹyịza, dị ọ hụụ ịdị Erisa, dị ọnịrị ezi anị ne gù oze hi ẹngụ nị. E si oze gù, di ezi anị aa kụ́ ịgarụwaa vẹ, dị ọnị aa và angwẹẹ hi ọ nị.

Erisa ộ na vayị ku ozi ọnọọ ịrẹsụ ịvẹẹdị, dị ọ sị irenu ku ọ irenu nị, dị ọ ha eyi ku ọ eyi, dị ọ rẹ sị ụvọ tụra a ụvọ nị. Ọ mẹ̀ vavọọ hụtẹtẹ tụra a, dị ẹngụ ozi ọnọọ vanaa ngụra nị.