Popular Bible Verses from 2 Anịkọrịntị 1

Share

À vẹ yaa kụ́ Ohomorihi avọ, ana vị Ada Ijeesu Ananyị yị oni Ohomorihi nyị mẹ ohinọyị ka ọ̀ dọ yị ha. Ọnị ọ vị Ada ana aa vayị ọza nị. Ọnị ọ rẹ vị Ohomorihi eneē hunẹnẹ ọza ayị nị. Ohomorihi ee hunẹnẹ yị ayị ịnị avaba ụyọrị ayị, agụvị ẹ̀ ya rẹ zụụ sị ayohunẹnẹ oni Ohomorihi sị yị, dị ya sịị yị aza ana àa rị ụya.

Anka ị mẹ̀ nyị tụ́ ịnị ụya ọrụrụ-ọrụrụ ọnị Ikirisiti rị, avọọ ọza ọnọọ mè ree hunẹnẹ yị ayị ẹtẹẹtẹrẹ nị.

Ye si o ro ka a sị ọkarẹyị isu mẹẹ yị da. Ama ọsọnị vị ana mẹ ka à sị kụkụ sị ayị tụra ẹngụ ayị, ama ya sị ayị tụra Ohomorihi anaā ha okuu hụụnị isu.

Ohomorihi ọ mẹ ka ẹyịrị ẹwụ nịnị ọ̀ jẹẹ geri-geri, dị ẹyịrị Ikirisiti sị vị ọnya nị. Ohomorihi ọ rẹ sị yị tụ́ irenyi yị ẹngụ anị nị. Ohomorihi ọ raà sị apọtẹrẹwa tụ́ ọọ ka ọnị ọ nyị yị nị. Ọ raà sị Ụhwẹ Ohomorihi tụ́ ịnị ayị ayị, ana mẹ ka ya yẹ ka ịsa ana vọ ọnị ọ kà ọnị vaa sịị yị avọọ, ayị zụ nyị ka ọ yị vaa sịị yị.

Yàaa rị ụya, yaà rị ọọ agụvị ayị awụ nịnị ọ zụ nẹtẹ, dị à dọ wụ nịnị há hụụnị ụyọrị ọyaanị. Ayị ayị òo ve hunẹnẹ, agụvị ayị ẹwụ nịnị ò re hunẹnẹ yọ nị. Ọnị ọ mẹ ka wa zụ sị ẹngụ dọ ẹngụ ụyọrị ẹnẹ ẹyị raa rị nị.