‘Kele kaka byi angịwẹ yẹkẹẹ, ọ ri nya ịlẹhị,
owowo lẹ, anụ ka kpa ụrụ nyanụ wo lẹ!
Ma, ánụ tị ka la ọ-jẹ́ myịmyị u-uhye nya ẹla ọọwa kaka.
Ọyẹyẹ lẹ, anụ tị ka kpẹhị nyanụ yẹ myị́ lẹ,
ma, ánụ tị ka jẹ́-ẹ jẹ́ egbeju nya ang ọọwa ọlẹ kanụ wẹẹ yẹ kaka ịnyịnyị.
Chajị angịwẹ lẹ, ị ngịrị ọkịlẹtụ nyaa ọngịrị lụmẹ kaka kpoye.
Ị tị mwụ ang ku arụ nyaa kpọng-kpọng lẹ.
Ị tị myịmyị tụ egbahị nya ịlaa ku gbanggbang ịnyịnyị lẹ.
Ị họ ịnyị, chajị kị ka jẹ́-ẹ kpa ọkịlẹtụ nyaa la ọ-jẹ́ myịmyị chajị nyam Am Ohe Oluhye kaka.
Lee, ọ-ka jẹ́-ẹ kpa ụrụ nyaa wo etu nya ẹla nyam kaka.
Lee, ọ-ka jẹ́-ẹ kpa egbahị nyaa yẹ ang myịmyị chajị nyam kaka ịnyịnyị.
Ị họ ịnyị wuu, chajị kị ka jẹ́-ẹ jahị nyaa kpata dam Am Ọngọlaa la kpụ,
M ka haa uda nya ịhọbịrị ịhọhọ nyaa kaka.’ ”