Popular Bible Verses from ĀCƐ URÓM 9

Share

Ɔ́dāŋ́ ka Ɔwɔicō fu ɔ̄cɛ oo, ó fu ɔ̄cɛ nóo, ó gbolóce ɔdā nɛ̄ ɔ̄cɛ ɔ́ɔmā dɔɔ̄kā ā ŋ́ ámāŋ ka ɔdā nōó yá ā ŋ́, amáŋ ohígbū ka Ɔwɔicō ī dɔɔ̄kā ō ményinyi nū nɛ̄ n.

Ohígbū ka ó da Umósīsi kahíníī, “N géē ményinyi ɔ̄cɛ nōo he um ɔtū. N kē í yíhɔtū tú ɔ̄cɛ nōo he um ɔtū.”

Amáŋ ɔ̄nyɛ nɛ̄ a gbɛlá ka anúɔ wɛ ā, ɔlɛɛcɛ icííci, nɛ̄ ā ī tá Ɔwɔicō áafú glá ā? Ɛtɛ́ kú ɔmɛ lɛ íkwu ō da ɔ̄cɛ nōo ī ma ɔ́ ā kahíníī, “Ɔdíyá nāa ma um lɛ āā?” glá ā.

Ohígbū ɔ́ɔmā mɛ́ɛ̄ ā Ɔwɔicō ī ményinyi ɔ̄cɛ dúúmā nɛ̄ ó dɔɔ̄kā, ó kē i je ɔtū olɔfú lɛ ɔ̄cɛ dúúmā nōó dɔɔ̄kā ā.

Alɔ kōō ī ka ā, omɛtɛ́ lɛ íkwu kóō bī ɔmɛ lɛ ma ɔdā dóódu nōo he ɔ́ ɔtū, anɔ́ɔ ó lɔfú bī ámú kú ɔmɛ ékpónú le ma ɛtɛ́ ɛpa, éyi o bī wɛ̄ɛcɛ eko ɔkwɛ̄yi, anɔ́ɔ ɔhá ā o bī wɛ̄ɛcɛ eko ɔlamu.