Popular Bible Verses from ĀCƐ URÓM 7

Share

N tá Ɔwɔicō ahínyá, nōo géē bī Ujísɔ̄si Ohɔ́nyɛtá, Óndú alɔ le hɛ́ um táā! Āhɔ̄ kú um ā yɔ̄ mɛ́ɛ̄ ā, ami abɔ̄yī um gē bī ɔtū kú um ī lɛ íne kú Ɔwɔicō tū, amáŋ n kē bī ɔkpíyē kú ɔlɛcɛ kú um gē lɛ ínoōbīya tū.

N jé ka ɔtū kú um í jɛga gā um kú um yá ɔdā olɔhi dúúmā ŋ́, ɔ́ɔmā lé ka ipú ɔtū kú um, n dɔɔ̄kā ō yá ɔdā olɔhi, amáŋ ń kē lɔfú yá ɔ̄ glá ŋ́.

Ń gē yá ɔdā olɔhi nɛ̄ n dɔɔ̄kā ō yá ā ŋ́, ikɔkɔ ɔ́ɔmā ɔdōbɔ̄bí nɛ̄ ń dɔɔ̄kā ō yá ŋ́ mā nɛ̄ n gē yá á.

Ó lɛ ā, ɔ́dāŋ ka n gē yá ɔdā nɛ̄ ń dɔɔ̄kā ŋ́ mā ā, ayíbɛ, ó wɛ ami abɔ̄yī um ī yá ɔdā ɔ́ɔmā gɛ ŋ́, amáŋ ínoōbīya nōo yɔ̄ ipú um ā nɛ.

Anɔ́ɔ n le jé ka íne nyā wɛ ɔdā nōo ī yúklɔ́ ipú ɔtū kú um á, eko nɛ̄ n dɔɔ̄kā ō yá ɔdā olɔhi nɛɛ, ɔdōbɔ̄bí ā gē yɔ̄ kwu um ajaajɛ ō yá á. Ohígbū ka ipú ɔtū kú um íne kú Ɔwɔicō he um ɔtū.

Abɔ̄ n gē yá ɔdā nɛ̄ ń tíne ō yá ŋ́ mā, ɛ̄nyā mafú ka íne ā lɔhi.