Popular Bible Verses from ÁLUKA 14

Share

Aá híī yíikpɛ̄yí olɔfú tá Óndú ā ŋ́. Aá kéē híī yúufi kú ācɛ nēe lā ajɛ ā ŋ́, o yá uwā lé í tɔ́ɔtɛ́ lɛbɛ̄ɛka igbō nɛ̄ ɔ̄cɛ ī je lé ā. Óndú ā yɔ̄ mla alɔ, ó kōō tá alɔ abɔ̄ le aɔ́wɔ nēe gē gbō uwā ɛyí ā kpó yálé ɛɛ́. Ohígbū ɔ́ɔmā aá yúufi ŋ́.”

anúɔ wɛ Óndú ā á, anúɔ í gē cɔ̄nū fíyaa ŋ́, anúɔ klla le mu mla ihɔtū o yɔ̄ piyóó ipú ɛcɛ nyā, anúɔ gē méyīnyinyi, klla ī je íne nɛ̄ ācɛ bīya ā mɛ́mla ikpɛ̄yí olɔfú nɛ̄ ācɛ yá ā yɛ́ɛhi. Amáŋ anúɔ géē yá ācɛ o lɛ́pɔ̄bí ā italā piíí. Ó ka anúɔ géē yá ayááyí italā kú íne nɛ̄ ádā uwā bīya ā, o ŋmá ayááyí éyi ga ayááyí ɔ́mpa, ɔ́mɛɛtá, jāā ga ɔ́mɛɛnɛ

Ɔ́daŋ ka alɔ he Óndú ā ɔtū, ó géē bī alɔ wā ajɛ ɔ́ɔmā klla í je ɔ́ lɛ alɔ. Ajɛ ɔ́ɔmā nōo lɔhi gbiyē nɛɛ, nɛ̄ ɔdōlé kpɔ anú nɛ̄hi ā.

Amáŋ ɔ̄cocɛ̄hɔ̄ kú um Ukálɛ̄bu ā, ohígbū alelékwū ɛyɛ́ɛ́yí nɛ̄ó lɛ nɛ̄ó klla yɛce um kpaakpa ā, n géē bī ɔ̄ wā ipú ajɛ nɛ̄ó nyɔ̄ í jila má ā. Ipɔ́ɔma kú nū klla í lé úgwū kú ajɛ ā.

Le da uwá ka, ɛ́gɛ́nɛ̄ n yēeyī ā, ɔdā nɛ̄ aá ka nɛ̄ n pó ā nɛ̄ n géē yá aá á.

Óndú ā da Umósīsi kahíníī, “Eko nyá nɛ̄ ācɛ nēe bá nyā géē tá um, klla leyī gwū um bónū í kwu ā? Eko nyá nēé géē tá kéē kpɔ́tūce um í kwu ā, nááná, nɛ̄ n yɔ̄ ī yá aɔ́dā ō hídáagó ipéyī uwā a?

É ka iŋini tá Umósīsi mɛ́mla Árɔ̄ni kahíníī, “Ó géē yɛ í lɔhi lɛ alɔ fíyɛ́ kú alɔ le pɛ́ gekwú ipú ajɛ kú Íjīpiti ikɔkɔ ō wá í pɛ́ kwú ipú ígbíli amānyā.

Ujóssuwa, ɔyí kú Unún mɛ́mla Ukálɛ̄bu, ɔyí kú Ujɛ́fūnɛ, ācɛ ɛpa ŋmá ipú ācɛ o bɔkwu ɛlā tayínū ā le īlī kú uwā híla tīiyē ohígbū ɔtūnōbí. Anɔ́ɔ é da ācɛ ā kahíníī, “Ajɛ nɛ̄ alɔ nyɔ̄ gaá jila ā wɛ ajɛ olɔhi nɛ̄hi.

Amáŋ, ɛ́gɛ́nɛ̄ n yēeyī ā, mɛ́mla ɛ́gɛ́nɛ̄ ɛgahi kú um lɛ mu odúúdu ɛcɛ ā, odúúmā kú ācɛ nēe bá nyā í gáā yēeyī kóō ga ɔlɛ́ ā ŋ́. É le ɛgahi kú um mɛ́mla úklɔ́ o hídáagó nɛ̄ n yá Íjīpiti mɛ́mla ipú ígbíli ā má, amáŋ é le um jámá igbo alewa, anɔ́ɔ é klla lɛyítáajɛ lɛ ɛlā kú um ŋ́. É gáā má ajɛ nɛ̄ n cokónu ka n̄ gē je le ádā uwā ā ŋ́. Ɔ̄cɛ dóódu nēe leyī gwō um bónū ā í gáā bēhé ga ɔ́ ŋ́.