Popular Bible Verses from OŌYƐBƐ̄CƐ 23

Share

Ɔ́dāŋ ka aá gbā ami, Óndú ā, Ɔwɔicō kú aá ɛ̄gbā, n géē hɔ́hā kú ɔdōlé mɛ́mla ɔhā kú éŋkpɔ̄ ce aá, cɛ́ɛ́ n klla lɛ ōcē kpó ŋmá ɛgiyí aá. Ipú ajɛ kú aá ā, ɔnyā dóódu í gáā plla ɔyí, ɛ́ɛ́ nɛ̄ ɔnyā dóódu gē wɛ ɔdɔma ŋ́. N géē yá kú aá lɛ́ɛcɛ.

Aá má ɔ̄, n géē tū alelékwū ōtɛ̄hɔ̄ kú um ɛhɔ̄ kóō gbɔbū lɛ aá, kóō gbɔ̄ aá ɔwɛ, cɛ́ɛ́ kóō lɛ aá bī wā ɛga nɛ̄ n tútū lɛ aá ā.

Amáŋ ɔ́dāŋ́ ka aá lɛ abɔ̄ bī ɛlā kú nū, nɛ̄ aá kē lɛ odúúdú ɔdā nɛ̄ n ka ā yá, n géē nuunu tú odúúdú aólɛlā kú aá.

Aá kɛlā ɔkwɛ̄yi eko dóódu únɛ́pɔ̄ eko nēé yɔ̄ ī hɛ́pɔ̄, ó kōō wɛ eko nɛ̄ ɛjɛ̄ɛ̄jī ācɛ, bá gē cīijáalí ɛ̄kɛ̄mgbɛ̄ nááná, aá híī wɛ ŋ́. Aá híī méyīgoo je ɛpɔ̄ pīyeyī klá ajɛ eko nēé gē kɛpɔ̄ tū ɔ̄cogbɛhá ŋ́.

Aá híī bī ɔ̄kā ɛ̄kɛ̄mgbɛ̄ le yá awanda gē yɛ ŋmá ɛga éyi ga ɛga ɔhá ŋ́. Aá híī cīījáalí ɛ̄kɛ̄mgbɛ̄ lɛ ɔ̄cɛ o yá ɔdōbɔ̄bí ŋ́.