Popular Bible Verses from Mjir Rom 8

Share

Tsuwa mburu ku sənda abbər akwa shanga su Hyel ana hara su na ata ndzi ɓɗaku aka mji na ana hir ni, mji natə mdə ku kəga ɗa apatə tsa ku ɗəmha.

Kamnyar I ku mbərsa abbər wala mta, wala mpika, wala mjirthlentərhyel, wala shatanayeri, wala kuthlikurayeri na amtazi, wala sur thlivərantə mda na ashina, wala damitədzayeri na ɗəpa, wala nalkurər su, wala zurangkurər su, jiri su aɗi akwa duniya ni, na ata mzhi ndəkəmta mburu ka hirkurər Hyel na atar Kristi Yesu na Mthlakər mburu wa.

Tsu apani tsuwa Mambəl na Ɓɗakkarkara ni ana dlar mburu akwa sakatə mburu mtathlaku. Kamnyar mburu aɗi səndə laku tə kalkal ka mburu hara adduwa akwa wa, amma Mambəl na Ɓɗakkarkara surni andər gari ata vəya mburu aka Hyel, akwa kiɗə ni ka nghyinghyi na mwavər tə mda amzhi ngkərɓəlari wa.

To man tə ka mburu pəla ata kəra su ngəni ri? Ma Hyel an adzə mburu, wan ata mzhi ndzi dawar mburu ri?

Antə kulini shariyar mta aɗi ata ngkəi mji na ku ndzi ar Kristi Yesu wa.

Kamnyar dzamər su na abwar dza ana səntə mta, amma dzamər su na abwar Mambəl ana səntə mpika ka msərakur.

Ai, akwa shanga suayeri ngəni, mburu ku təra kərathla ka mdə pəla abbər mburu ku səm daci, tsuwa mburu wutə ngəni atar mdə na hir mburu ni.

Akwa dzamərna bwaniyayeri natə mburu akwa ɗarari kulini ni, aɗi ləkwa retar səli na mda ata sə ncanta ala mburu akəmazi nə wa.

Antə wan an ata mzhi ndəkəmta mburu ka hirkur tə Kristi ana hara ala mburu nə ri? Bwani ya, nənga ɗəffə ɓzəɓzə ri, nənga kədlə ri, nənga mi ri, nənga ngguɗikur ri, nənga asar ri, nənga mpa ri?

Tsuwa Hyel na ana wul su na akwa ɗəffa mda, asəndə dzamər Mambəl ni, kamnyar Mambəl ni ana kiɗa ata vəya mjir Hyel kalkal apatə Hyel ata barari.

Kamnyar shanga mji tə Mambələr Hyel an akwa pwar ɗa, da an maɗa' Hyel.

Kamnyar mji na ana nu nggukər dza ana dzama ata kəra su tə dza ɗa akwa barari daci. Amma mji tə mambəl ana pwar ɗa, da ana dzama ata kəra su na təbwar mambəla.

Təng tə Hyel aɗi ngkata ala mburu Ɓzər ni wa, amma tsa ku hamta ni ala mburu shang ni, tsa aɗi ata na ala mburu shanga su ka tsiyari bwang wa ya?

Mambələr Hyel ka kərari surni an akwa pəlari abbər mburu maɗa' Hyel ni. Antə mburu an maɗa'ni, mburu ku ndzi mjir fa kifərni, mjir fa kifər Hyel ata kəma duku ka Kristi, ma har mburu ku ɗar bwani ata kəma duku ka Kristi, kamnyar ka mdə sə haptə səliyir mburu ata kəma duku kəga tsa.

Kamnyar kəlara mdə na ku vətə hangkalari ata kəra sur duniya, tsa ata ndzi dawar Hyel, kamnyar tsa aɗi ana kələngkər aka tsawur Hyel wa, tsuwa jiri tsa amzhi wa.

Kamnyar shanga suayeri tə Hyel alakta akwa səkari ka kucali, vir tə Hyel ata sə ncantə mji na ata ndzi maɗa'ni ni.

Kamnyar mburu asənda abbər shanga suayeri tə Hyel alaktə ni akwa nggyinggya ka ɗar bwani apa mwala kutərya ba kulini.