Popular Bible Verses from Mjir Rom 14

Share

Kamnyar kuthlikurər Hyel ni aɗi ata kəra səm ka sa wa, amma ata kəra ɓɗakkur, ka msərakur, ka kucali, akwa Mambəl na Ɓɗakkarkara. Kamnyar ma ga akwa kəthlər aka Kristi akwa laku ngəni, Hyel ata nggatə msərakur nga, tsuwa mji ata mbərsa ka ga.

Ma mburu ka mpika, mburu akwa ndzi kamnyar Mthlaku, tsuwa ma mburu ku mti, mburu mtə kamnyar Mthlaku. Apani wala mburu ka mpika, wala mburu an mta, mburu ar Mthlaku.

Antə ka mburu bara suayeri na ata səntə ndzəndzi lapiyakur ka dlara akwa jakə duna aka nvwa mburu.

Apani mburu aɗiya jaktə pəlangkər aka nvwa mburu kəra wa. Ata vəya ndaga, kuji ka mburu thlamta akwa ɗəffa mburu abbər mburu aɗi ata jaktə vu ni ka tsa tsamta səlari wala ndla akwa hamta jirərni wa.

Kamnyar rəbutə rəbutari akwa kakaɗər Hyel abbər, “Jiri, apatə I na Mthlaku aɗi ka mpika, kəlara mda ata sə zuzuri akəmi,” ndə Mthlaku. “Tsuwa waskəi ata sə pəlari ka mnyari surni abbər I an Hyel ni.” Apani kəlara mda akwa nca mburu ata sə hamta labar ata kəra su tə tsa hara akwa duniya ni aka Hyel.

Ka giri dlu mdə na mtathlaku atar hamta jiri, tsuwa giri aɗiya beɗi ata kəra suayeri natə dzamərni ku ndzi zum ka ar giri wa.

Gə wa ri, tə ga ata pəlangkər aka buɗar mdə damwa ni? Mthlakərni shini an ata mzhi pəla su ata kərari, wala tsa ku hara kalkal wala tsa aɗi hara kalkal wa. Tsuwa ma Hyel hira tsa ata səma, kamnyar Mthlaku ata mzhi hara ka tsa səma.