Popular Bible Verses from Baɗitari 50

Share

Ar giri, giri ku bara ka giri hara ali ɗimikur, amma Hyel ɗəmhə ni kamnyar ɓɗakkur, kamnyar msərantə mpika mji hang, apatə giri ku wuta akwa hara kulini.

Amma Yusuf pəla ala ɗa, “Giri aɗiya thlivər wa! I Hyel ya, tə I ata mzhi ɗi giri?

Antə giri aɗiya thlivər wa. I ata hamta ala giri susəma, ala giri kəga maɗa' giri.” Apani antə tsa peri hangkala ɗa, ka gari ala ɗa ka hangkal.

ka yeru pəla ala gə tsa akwa kiɗə kəra ga, ka gə yafitə maɗama' nga ata kəra biku ka ɗimikur tə da hara ala gə ka ɗar bwani ala gə ni. Antə kulini yeru akwa kiɗə nga ka gə yafitə yeru, kamnyar yeru an mafar Hyel na ar baba' nga.” Sakatə da pəla su ngəni aka Yusuf, antə Yusuf tuwa.

Antə Yusuf pəla aka maɗama'ni, “I abaka mta, amma Hyel ata si adzə giri, ka tsa fwaɓəla giri akwa tsəɗi ngəni, ka tsa mwantə giri akwa tsəɗi tə tsa kətə alkawalər hamtari aka Ibrahim, ka Ishaku, ka aka Yakub.”

Antə Yusuf vu tə maɗa' Yakub kətə alkawal alari atar kahyel abbər, “Ma sakatə Hyel ku si adzə giri ka hara kuthlikurərni, ka giri fatə ɗethlərna kazhar vəi ngəni ka təra kəgari.”

Antə Yusuf ku mti akwa sakatə tsa ka məvari aru pal ka kuma. Antə da ku kəkərtə ni ka kuzəku ar ngkatə hiɗa, ka vu ni akwa akwati harəmta mshi akwa Masar.