Popular Bible Verses from Səɓəlari 16

Share

abbər, “Ai kuji ka yeru mtəmtadzi akwa tsiya MTHLAKU tsu akwa Masar! Kamnyar sakatə yeru anda yeru ana ndzəndzi adzə tughumayeri ar kum, ka yeru səm har ka kuta yeru ndla. Amma ga ku səntə yeru aɓəla akwa mtaku kamnyar ka gə kurəmta mji ngəni shang ka mi.” Antə MTHLAKU pəla aka Musa, “Kulini I ata pughəi ala giri buradi. Antə ka mji ni ləɓəla tədək viri na ata kura ka da ra tsaptə susəma na ata mzhi ɗa vir nda. Akwa laku ngəni antə I ata ngkərtə ɗa kəi wutə wala nuhum da ata nu tsawurna.

Antə akwa mtaku ni shanga mjir Israila ku ləkwa nggungguni aka Musa ka Haruna

Tsuwa Musa pəla, “MTHLAKU ata na giri kum ashina tahaku ka giri ɓɗa, tsuwa ta ata na susəma ɗəɗəpa ka giri səm ka kuta giri ndla, təng tə tsa ku nggatə nggungguni tə giri hara ata kərari ni. Kamnyar ai giri aɗi nggungguni ni ata kəra yeru wa. Yeru mə laga ri? Ata kəra MTHLAKU antə giri nggungguni ni!”

“I ku nggatə nggungguniyir mjir Israila. Antə kulini pəla ala ɗa abbər, ‘Ma tahaku giri ata ɓɗə kum, antə ma ɗəɗəpa giri ata ndlantə kuta giri ka susəma. Antə giri ata sənda abbər I an MTHLAKU na Hyelər giri.’ ”