Popular Bible Verses from Səɓəlari 10

Share

Antə MTHLAKU pəla aka Musa, “Mwari adzə kuthli, kamnyar I ku namtə ɗəffari ɓəɓal ka namtə ɗəffa kwakunayeri arni ɓəɓal, kamnyar kəi haratə surndatayeri ngəni akwa nca ɗa, ka tsuwa kamnyar ka gə sə pəla aka maɗa' nga kəga kəkayeri ar nga laku tə I hara bwani aka mjir Masar, ka surndatayeri tə I hara akwa nca ɗa, kamnyar ka shanga giri sə sənda abbər I an MTHLAKU.”

Antə MTHLAKU pəla aka Musa, “Haptə tsiya ga amtazi kamnyar ka kuthlu na thlərətu si ka hartə shanga tsəɗi Masar, kuthlu na thlərətu ka duna har tə mda ata nggatari ata dzari.” Antə Musa haptə tsiyari amtazi, tə kuthlu na thlərətu ku si ata kəra shanga tsəɗi Masar mnyar vir makər. Mda aɗi na mzhi wutə nvwa ni wa, tsuwa mda aɗi na mzhi zhar vəi tə tsa akwa wa, har vir makər. Amma akwa shanga bwa tə mjir Israila akwa, parakəu aɗi.

Antə Musa haptə zwal na akwa tsiyari ni amta təbwar tsəɗi Masar. Antə MTHLAKU hara tə shambar laga thlatə təbwar raghəi ka ɓukci ka pi akwa fya akwa tsəɗi Masar. Təng ɗəɗəpə mbing, shambar ni dli səntə ntsəkwayeri ni. Antə ntsəkwayeri ni ku mwari akwa kəlara bwa, ka hartə shanga tsəɗi Masar. Mda aɗi ɗar wutə jili hangkur ntsəkwa apani wa, tsuwa mda aɗi ata jaktə wutə jili hangkurər ɗa apani kəra wa.