Popular Bible Verses from SAM 34

Share

LALPA chuan thinlunga lungchhiate chu a hnaih ṭhîn a, Rilrua inchhîr apiangte chu a chhandam ṭhîn.

LALPA chu ka zawng a; tin, ani chuan mi chhâng a, Ka hlauh zâwng zawng zawng lakah chuan mi chhan him ta a.

Mi fel hrehawmnate chu a tam a; Nimahsela, LALPAN chûng zawng zawngah chuan a chhan chhuak ṭhîn.

Aw, LALPA ṭhatzia chu tem chhin teh rêng u; Amaha rinna nghat mi chu a eng a thâwl e.

Amah an en a; tin, an lo êng ta a; An hmêlte chu eng tikah mah a zak lo vang.

Mi felte chu an au va; tin, LALPA chuan a lo hria a, An manganna zawng zawngah chuan a chhan chhuak ta a.

Amah ṭihtute chu, an vêlah LALPA vântirhkoh chuan a awm chilh a, A chhan him ṭhîn.

Sual kalsan la, thil ṭha ti rawh; Remna zawng la, a ûmin ûm rawh.

I lei chu sual lakah vêng ṭha la, I hmui chu tihderna thu sawi lo tûrin vêng ṭha rawh.

LALPA mit chuan mi felte lam a en ṭhîn a, A beng chuan an au hre tûrin a ngaithla reng ṭhîn.

Aw, LALPA chu mi fakpui ula, A hming chu i chawimawi tlâng ang u.