Popular Bible Verses from SAM 32

Share

Fing taka awmtîr chein i kalna tûr kawng chu ka entîr ang chia; Ka mita en reng chung chein rem ka ruatsak zêl ang che.

Nang chu ka bihrûkna hmun i ni a; Nang chuan manganna lakah mi humhim ang a; Chhanhimna hlatein mi hual vêltîr ang. (Selah)

Ka sualna chu i hnênah ka puang a, Ka khawlohna chu ka zêp ta lo va: “Ka bawhchhiatna chu LALPA hnênah thupha ka chawitawh ang,” ka ti a; Tichuan, ka sual khawlohna chu i lo ngaihdam tâk kha. (Selah)

A bawhchhiatna ngaihdama awma, A sualna hliahkhuha awma chu, a eng a thâwl e.

Mi, LALPAN khawlohna neia a ruat lohva, A thlarauva tihderna rêng rêng awm lova chu a eng a thâwl e.

Chuvâng chuan, Pathian ngaihsak mi tin chu zawn hmuh awla i awm laiin i hnênah ṭawngṭai ṭheuh rawh se; Tui liante chu a lo liam hun chuan anni chu a chîm pha ṭhuai dâwn lo nia.