Popular Bible Verses from THUFINGTE 19

Share

Mihring thinlungah suangtuahna tam tak a awm a; LALPA remruat erawh chu a pângngai reng ang.

Mi rethei khawngaih chuan LALPA a pûktîr a ni a, A thil tihṭhat chu a rûl ang.

A ngaihruat thiamnain mi a thin a tihnelsak ṭhîn a, Bawhchhiatna hai der chu a ropuina a ni.

A tâwp a tâwpa i lo fin theih nân zilhna pawm la, Thununna pawisa rawh.

LALPA ṭihna chuan nunna a thlen a, A nei apiang chu lungawi takin an awm ang a, Thil ṭha lovin a tlâkbuak lo vang.

Finna dawngtu chuan ama nunna a hmangaih ṭhîn a, Hriatna vawngtu chuan thil ṭha a hmu ang.

Beiseiawm a la nih laiin i fapa chu thunun la, Boral mai tûrah ngai suh.

Hretu der chu hrem lohvin a awm lo vang a, Dâwt sawi chu a boral ang.