Popular Bible Verses from THUFINGTE 16

Share

I hnate chu LALPA kawltîr rawh; Tichuan, i thil ruahmante chu tihnghehin a awm ang.

Mihring rilruin a kawng a ruahman a, A ke pên erawh chu LALPAN a hruai ṭhîn.

Thu pai nuam chu khawithlâr ang a ni a, Nunna tân a thlum a, ruh tân hrisêlna a ni.

Rilru lo ruahman lâwkna chu mihring chan a ni a, Lei chhânna erawh chu LALPA aṭangin a ni.

Mi thinnel chu mi chak aiin a ṭha zâwk a, A rilru thunun hneh chu khaw latu aiin.

Chapona chu boralna hmaah a kal a, Rilru intivei chu tlûkna hmaah.

Mi ama ngaihin a kawng zawng zawng a thianghlim a; Nimahsela, LALPAN rilrute a bûk ṭhîn.

Thu chîk taka dâwn mi chuan thil ṭha a dawng ang a, LALPA ring apiang chu an nihlawh ang.

Fel lo taka deh chhuah tam tak ai chuan, Fel taka deh chhuah tlêm tê a ṭha zâwk.

Mi ngaiha kawng dik ni âwm taka lang, A tâwp chu thihna kawng ni si a awm.

Ṭawng chaltlai mi chuan inhauna a theh darh a, Sêsêa thu sawi hmangin ṭhian bulte a tiṭhen ṭhîn.